بەپێی خشتەی دابەشکردنی مووچەی دارایی هەرێم بێت، بڕیارە هەفتەی داهاتوو مووچه‌ی پێنج وه‌زاره‌ت و هه‌رسێ سه‌رۆكایه‌تیه‌كه و خانه‌نشینانی شارستانی و پێشمەرگە دابه‌شبكرێن.
بەپێی ئەو خشتەیەی دارایی هەرێم بڵاویكردوەتەوە، ڕۆژی یەکشەممە و دووشەممەی هەفتەی داهاتوو مووچەی (خانەنشینی شارستانی) دابەشدەکرێت.
ڕۆژی سێشەممەش هەریەک لە (ئاوەدانکردنەوە و نیشتەجێکردن، ڕۆشنبیری و لاوان، کارەبا، خوێندنی باڵا و توێژینەوەی زانستی، شارەوانی و گەشتوگوزار) مووچە وەردەگرن.
هەر بەپێی خشتەکەی دارایی هەرێم، رۆژی چوارشەممە مووچەی (هەرسێ سەرۆکایەتییەکەی هەرێم و خانەنشینی پێشمەرگە) دابەشدەکرێت، بەوەش كۆتایی به دابه‌شكردنی مووچه‌ی مانگی نیسانی فەرمانبەران دێت.
