بەهۆی كێشەیەكی كۆمەڵایەتییەوە كوڕێكی 35 ساڵ خوشكی خۆی لەنێو ماڵەكەیدا دەخكێنێ.
پۆلیسی ئاکرێ لە راگەیەنراوێکدا بڵاویکردووەتەوە" ئاگادارکراونەوتەوە لە رووداوێکی کوشتن کە لە گەڕەکی مهەتێ لە ناو سەنتەری ئاکرێ روویداوە و دوای گەیشتنی تیمەکانی بەڵگەو تاوان دەرکەوت کە ژنێکی تەمەن ٣٨ ساڵ خنکێنراوە."
هەروەها پۆلیسی ئاکرێ رایگەیاند" لەگەڵ لێکۆڵینەوەکانی پۆلیس برای ئەو ژنە کە تەمەنی ٣٥ ساڵە، خۆی رادەستی پۆلیسی ئاکرێ کردووە و دانی بە تاوانەکەی ناوە".
هۆکاری رووداوەکە کێشەیەکی کۆمەڵایەتی بووە، و بە بڕیاری دادوەر تۆمەتبار راگیراوە و بە مادەی ٤٠٦ لە یاسای سزادان لێکۆڵینەوەی لەگەڵ دەکرێت، تەرمی ژنەکەش رەوانەی پزیشکی دادی دهۆکراوە و لێکۆڵینەوەش بەردەوامە.
