مامۆستایانی ناڕازی رۆژی ١٢ ی ئازار لە راگەیاندنێکدا کە هۆشداری دەدەنە حکومەت، دەڵێن " لەم چوارچێوەشدا بە بیانوی دابیکردنی کارەبای 24 کاتژمێری دەیانەوێ نرخی کارەبا بەشێوەیەکی زۆر خەیاڵی گران بکەن و تەواوی هاوڵاتیان بکەنە کرێچی کۆمپانیا حیزبی و بنەماڵەییەکانیان".
مامۆستایانی ناڕازی داوا لە چین و توێژەکان دەکات کە دژی ئەم پرۆژەیە بووەستنەوەو دەڵێن" ئەرکی هەمو هاوڵاتیان و زانایانی ئاینی و حیزب و ڕێکخراوەکانە پێش ئەوەی ببین بە کرێجی کۆمپانیاکانی حیزب و بنەماڵە حکومڕانەکان، بەگژ ئەم پیلانە بێ ویژدانانەو ستەمکارانانەدا بچینەوە و هەڵویستی جدی و بەردەواممان هەبێت".
دەقی راگەیەندراوەكە:
هۆشدارییەک لە ئەنجومەنی مامۆستایانی ناڕازییەوە
وەکو ئاگادارن زیاتر لە 30 ساڵە دەسەڵاتدارانی هەرێم داهاتی سەرخان و ژێرخانی ئەم وڵاتە بەتاڵان دەبەن و گەلی کوردستان بێ موچە و برسی دەکەن.
بەتایبەتی لەدوای ئابوری بەناو سەربەخۆوە وە لەو ڕوژەوە ئەم دەسەڵاتە نەزانە بڕیاریدا بەبێ گەڕانەوە بۆ بەغداد نەوتی هەرێمی کوردستان بفرۆشێ، بێ موچەیی و هەژاری دواکەوتنی موچە دەستی پێکرد.
دەسەڵاتدارە بێ ویژدانەکە لەجیاتی قەرەبوکردنەوەی ئەو دۆخە سەختەی ژیانی هاوڵاتیان و موچەخۆران بەردەوام بە بڕیاری ستەمکارانە ژیان و گوزەرانی هاوڵاتیان سەختر دەکەن و گرانی و نەبونی زیاتر دەکەن.
لەم چوارچێوەشدا بە بیانوی دابیکردنی کارەبای 24 کاتژمێری دەیانەوێ نرخی کارەبا بەشێوەیەکی زۆر خەیاڵی گران بکەن و تەواوی هاوڵاتیان بکەنە کرێچی کۆمپانیا حیزبی و بنەماڵەییەکانیان.
ئێمە لە ئەنجومەنی مامۆستایانی ناڕازی لەگەڵ هەستکردنمان بەم پیلانە ستەمکارانە و مەترسیدارە وە بۆ خستنە بەردەم بەرپرسیاریەتی و دروستکردنی کۆدەنگی جەماوەری دژی ئەم دزی و تاڵانییە لە گیرفانی هاوڵاتیان لە چەند ڕۆژی ڕابردو ژمارەیەک کۆبونەوە و دیدارمان ئەنجامدا لەگەڵ یەکێتی زانایانی ئایینی ئیسلام و ژمارەیەک لە ڕێکخراوەکانی کۆمەڵگەی مەدەنی و حیزب و لایەنە سیاسییەکانی دەرەوەی دەسەڵات.
بۆیە لێرەوە ڕایدەگەیەنین:
ئەرکی هەمو هاوڵاتیان و زانایانی ئاینی و حیزب و ڕێکخراوەکانە پێش ئەوەی ببین بە کرێجی کۆمپانیاکانی حیزب و بنەماڵە حکومڕانەکان، بەگژ ئەم پیلانە بێ ویژدانانەو ستەمکارانانەدا بچینەوە و هەڵویستی جدی و بەردەواممان هەبێت.
له کۆتاییدا ئێمە لە ئەنجومەنی مامۆستایانی ناڕازی هاوڵاتیان دڵنیا دەکەینەوە لە ئاست ئەم گیرفانبڕینەو هەر ستەمێکی تری بنەماڵە حکومڕانەکانی هەرێم بێدەنگ نابین، ئەگەر ڕانەگیرێن لە ئایندەدا بەهاوکاری سەرجەم چین و توێژەکانی تر هەڵوێستی بەرفراوانمان دەبێت .
ئەنجومەنی مامۆستایانی ناڕازی
12 / 3 / 2025
