رۆژی دووشەممە 2025/5/5 شاندێكی حزبی شیوعی كوردستان، بەسەرۆكایەتی هاوڕێ هەندرێن ئەحمەد، ئەندامی مەكتەبی سیاسی و بەرپرسی پەیوەندییەكانی ناوەندی و ژمارەیەك لە ئەندامانی مەكتەبی پەیوەندییەكان، بەمەبەستی گەیاندنی پرسە و هاوخەمی حزبی شیوعی كوردستان بۆ كۆچی دوایی سری سورییا ئۆندەر، ئەندامی پەرلەمانی توركیا و ئەندامی شاندی ئیمڕاڵی، سەردانی پرسەی كۆچكردوویان كرد لە بارەگای پارتی یەكسانی و دیموكراتی (دەم پارتی).
شاندی حزبمان پرسە و هاوخەمی حزبی شیوعی كوردستانیان گەیاند و لای خۆشیانەوە، سوپاسی شاندی حزبمانیان كرد.
دەقی پرسەنامەكە:
بەڕێز/ هاوسەرۆكانی پارتی یەكسانی و دیموكراتی گەلان( دەم پارتی)
بابەت/ پرسە و هاخەمی
بەبیستی كۆچی دوایی بەڕێز( سری سورەییا ئۆندەر) ئەندامی پەرلەمانی توركیا و ئەندامی شاندی ئیمڕاڵی، زۆر نیگەران بوین. كۆچكردوو ڕۆڵێكی گرنگی هەبوو لە پڕۆسەی ئاشتی و برایەتی لەنێوان پێكهاتەكانی توركیا و كەسێكی مرۆڤدۆست بوو. لەدەستدانی خەسارەتێكی گەورەبوو بۆ گەلەكەمان. بەم بۆنە خەمناكەوە، بەناوی سكرتێر و مەكتەبی سیاسی حزبی شیوعی كوردستان، پرسە و هاوخەمی خۆمان بەبەڕێزتان و خانەوادەكەی رادەگەینین و هیوادارین ئەمە دواناخۆشیتان بێت.
لەگەڵ رێزماندا
مەكتەبی سیاسی
حزبی شیوعی كوردستان
