سەرلەبانی رۆژی سێشەممە 2025/11/11، هەردوو حزب لەبارەی دواین پێشهاتە سیاسیەكان و هاندانی هاوڵاتیان بۆ بەشداری كارای هەڵبژاردنی ئەمرۆ و بەهێزكردنی بەشداری سیاسی راستەقینەی هاوڵاتیان، كۆبونەوە.
شاندنی هەردوولایەن تائكیدیان لە بەهێزكردنی زیاتری پەیوەندییەكان و كاری هاوبەشی چەپی كوردستانی كردووە لە كاتێكا تادێت ناوەندی پەراوێزخراوەكان لە ئاستی سیاسی و مافە ئابوری و كۆمەڵایەتییەكان زیاتر دەبێت .
شاندی حزبی شیوعی كوردستان پێكهاتبوو لە هاورێیان هیوا عومەر جێگری سكرتێری كۆمیتەی ناوەندی و هاورێیان رێباز هاشم و شنۆ مجید و نەرمین نەجمەدین مامۆ و ژمارەیەك لە هاورێیانی مەكتەبی مەڵبەندی هەولێر .
شاندی حزبی زحمەتكێشان كوردستان پێكهاتبوو لە هاورێیان بەڵێن عەبدوڵا سكرتێری حزبی زحمەتكێشانی كوردستان و شاخەوان عەبدوڵا ، ئەندامی مەكتەبی سیاسی و ژمارەیەك لە كادیرانی حزب.
كۆبونەوەكە لە بارەگای كۆمیتەی ناوەندی حزبی زحمەتكێشانی كوردستان بەرێوەچوو .
