پەلەمانی ئەڵمانیا ئەو بودجە گەورەیەی پەسند كرد كە 108 ملیار یۆرۆی بۆ سەربازی دەڕوا و لەدوای جەنگی جیهانی دووەمەوە ئەوە گەورەترین بودجەی سەربازی ئەم وڵاتەیە پەرلەمان واژووی لەسەر كردبێ.
بەپێی میدیاكانی ئەم وڵاتە بودجەی ساڵی 2026ـیان بە کۆی گشتی خەرجی نزیکەی 525 ملیار یۆرۆ (608 ملیار دۆلار) پەسەندکرد. كە پێشنیارەکان زیاتر لە 180 ملیار یۆرۆ وەک قەرز لەخۆدەگرن كە ئەوەش بڕێكی زۆر گەورەیە لە مێژوی ئەو وڵاتەدا. هەروەها بودجەکە نزیکەی 108 ملیار یۆرۆ بۆ خەرجی سەربازی لەخۆدەگرێت، کە گەورەترین بڕە لە دوای کۆتاییهاتنی جەنگی ساردەوە.
بەگوێرەی بودجەی 2026ـی ئەڵمانیا، بڕیارە ئۆکرانیا بڕە پارەیەکی پێوانەیی بە بەهای 11 ملیار و 500 ملیۆن یۆرۆ وەربگرێت بۆ تۆپخانە و فڕۆکەی بێفڕۆکەوان و زرێپۆشی سەربازی و کەرەستەی دیکە بەمەبەستی بەهێزکردنی بەرگرییەکەی دژی ڕووسیا.
پێشتر ڕاوێژکاری ئەڵمانیا، بەڵێنیدابو کە وڵاتەكەی بكاتەوە بە خاوەنی بەهێزترین سوپای ئاسایی لە ئەوروپا، ئەوەش بەهۆی ئەو وەبەرهێنانە گەورەیەی کە حکومەتەکەی بەنیازە لە بواری بەرگریدا بیکات، بەڵام حزبەکانی ئۆپۆزسیۆن بە توندی ڕەخنەیان لە بودجەکە گرت، بەشێکی بەهۆی پلانی دەوڵەت بۆ هەڵگرتنی ملیارەها قەرزی زیادە.
