وڵاتی ئێران، عێراقی ئاگاداركردۆته‌وه به هۆی نۆژه‌نكردنه‌وه و چاككردنه‌وه‌ی بۆڕی گاز، ماوه‌ی هه‌فته‌یه‌ك هه‌نارده‌كردنی غاز بۆ وێستگه‌كانی كاره‌بای عێراق ڕاده‌گرێت.
به وته‌ی ئەحمەد موسا، وتەبێژی وەزارەتى کارەباى عێراق، كۆماری ئیسلامی ئێران ئاگاداری کردوونەتەوە بەهۆی نۆژه‌نكردنه‌وه و چاککردنەوەی بۆڕییەکانى غاز لە خاکی ئێراندا، ناردنى غاز بۆ ماوەی هەفتەیەک ده‌وه‌ستێت، بۆیه له ئێستادا پشت به سووته‌مه‌نی ناوه‌خۆیی ده‌به‌ستن.
وه‌زاره‌تی کارەباى عێراق بە ڕێژەى 40% پشت بە کۆمارى ئیسلامى ئێران دەبەستێت و 1200 مێگاواتیش له هه‌رێمی كوردستانه‌وه وه‌رده‌گرێت، كه ئێستا به هۆی هێرشه‌كه‌ی سه‌ر كۆرمۆر پچڕاوه.
ئه‌مه له كاتێكدایه، ئێران لە پار ساڵه‌وه به هۆی كه‌مبوونی غاز، هه‌ندێجار ده‌رگای زانكۆ و خوێندنگه‌كان داده‌خات و پرۆسه‌ی خویندن به ئۆنلاین به‌ڕێوه ده‌چێت.
