ئاژانسی هەواڵی فەڕەنسا (AFP) لە زاری بەرپرسێکی باڵای ناوخۆییەوە ڕایگەیاند، ئەمڕۆ لە ئەنجامی تەقینەوەیەکدا کە شەمەندەفەرێکی گواستنەوەی سەربازیی لە پارێزگای بەلوچستان لە باشووری ڕۆژئاوای پاکستان کردە ئامانج، لانی کەم ٢٤ کەس کوژران و زیاتر لە ٥٠ کەسی دیکەش بریندار بوون.
بەپێی زانیارییەکانی سەرچاوەکە، هێرشەکە لە وێستگەی شاری کویتای ناوەندی پارێزگاکە ڕوویداوە و ژمارەیەکی زۆری سەربازی سوپای پاکستان لە نێو قوربانی و بریندارەکاندادان.
