ئەمە بڵاوبكەوە
FaceBook  Twitter  

 

لە جەولەی سێیەمی جامی نەتەوەكانی ئەمریكای باشور، كە لە بەڕازیل بەڕێوەدەچێت، لە كۆمەڵەی دووەمدا، ئەمشەو كاتژمێر 12، هەردوو هەڵبژاردەی ڤەنزوێلا و ئیكوادۆر لە یاریگای نیلتۆن سانتۆس لە شاری ڕیۆ دی جانیرۆ ڕووبەڕووی یەكدەبنەوە.

ڤەنزوێلا لە دوو جەولەی ڕابردوودا دۆڕاندنێك و یەكسانبوونێكی تۆماركردووە و بە خاڵێك لە پلەی سێیەمی كۆمەڵەكەیدایە، بەڵام ئیكوادۆر یەك یاری ئەنجامداوە و ئەویشی دۆڕاندووە.

لە یارییەكی تری جەولەكەدا و لە هەمان كۆمەڵەدا، كاتژمێر سێی بەرەبەیانی سبەینێ دووشەممە، هەڵبژاردەی كۆڵۆمبیا لە یاریگای پێدرۆ لودۆڤیكۆ لە شاری گویانیا، بەرامبەر هەڵبژاردەی پیرۆ یاری دەكات.

كۆڵۆمبیا بە چوار خاڵ لە پلەی دووەمی كۆمەڵەكەدایە و بە جیاوازی دوو خاڵ لە دوای بەڕازیلی پێشەنگەوەیە، پیرۆش، كە یەك یاری كردووە، بەبێ هیچ خاڵێك لە پلەی كۆتاییدا.