ئەمە بڵاوبكەوە
FaceBook  Twitter  

ئەمشەو لە كۆپا ئەمریكا، ئۆرۆگوای و چیللی یاری لوتكە دەكەن و ئەرجەنتینیش بەرامبەر پاراگوای یاری دەكات.

لە جەولەی سێیەمی قۆناغی كۆمەڵەكانی جامی نەتەوەكانی ئەمریكای باشور، كە لە بەڕازیل بەڕێوەدەچێت، لە كۆمەڵەی یەكەمدا ئەمشەو كاتژمێر 12، هەردوو هەڵبژاردەی ئۆرۆگوای و چیللی ڕووبەڕووی یەكدەبنەوە.

چیللی دوای دوو یاری و بە چوار خاڵ پێشەنگی كۆمەڵەكەی گرتووە و ئۆرۆگوایش یەك یاری كردووە ئەویشی دۆڕاندووە و بەبێ هیچ خاڵێك لە پلەی چوارەمدایە.

لە یارییەكی تری جەولەكەدا و كاتژمێر سێی بەرەبەیانی سبەینێ سێشەممە، هەڵبژاردەی ئەرجەنتین بەرامبەر هەڵبژاردەی پاراگوای یاری دەكات.

ئەرجەنتین بە یەكسانبوونێك و بردنەوەیەك چوار خاڵی هەیە و لە پلەی دووەمی كۆمەڵەكەیدایە، پاراگوایش بە یەك یاری لە پلەی سێیەمدایە و سێ خاڵی هەیە.