ئەمە بڵاوبكەوە
FaceBook  Twitter  

لیۆنێل مێسی و یانەی بارسێلۆنا گەیشتوون بە رێككەوتنی سەرەتایی سەبارەت نوێكردنەوەی گرێبەستەكەی كە بۆ ماوەی پێنج ساڵ لەگەڵ یانە كەتەلۆنییەكە بەردەوام دەبێت.

رۆژنامەی سپۆرتی ئیسپانی چۆنییەتی رێككەوتنی مێسی لەگەڵ یانەكەی ئاشكرا كرد، كە لیۆ رەزامەندی لەسەر كەمكردنەوەی مووچەكەی بۆ ٪50، دەربڕیوە، چونكە قەیرانی دارایی و پێدانی باج دەبنە مەترسی لەسەر گرێبەستەكەی لیۆ ئەگەر بێت و لە نیوەی مووچەكەی خۆشنەبێت، بۆ ئەوەی رووبەڕووی سزا نەبنەوە، هەردوولا نایانەێ هەنگاوی هەڵە بنێن".

رۆژنامەكە ئەوەشی ئاشكرا كردووە: "هێشتا لەسەر كاغەز رێككەوتنێك لەنێوان هەردوولا واژۆ نەكراوە، بەڵام مێسی دڵنیایی داوە بە لاپۆرتا كە گرێبەستەكە نوێدەكاتەوە، ئێستا پارێزەری یانەكە و بریكاری جێبەجێكاری مێسی كار بۆ تەواوكردنی وردەكاری گرێبەستەكە دەكەن، رێككەوتنەكە هەنگاوی باشی بڕیوە و پێناچێت، بەم زووانە نوێكردنەوەی گرێبەستەكە رابگەیێندرێت، چونكە مێسی ئێستا سەرقاڵی بەسەربردنی پشووی ساڵانەیەتی لەگەڵ ئەندامانی خێزانەكەی".

بەپێی زانیارییەكانی سپۆرتی كەتەلۆنی: "مەرجی هەڵوەشاندنەوەی گرێبەستەكەی مێسی 350 ملیۆن یۆرۆ دەبێت، ئێستا پارێزەری هەردوو لایەن، سەرقاڵی داڕشتنەوەی خاڵەكانی رێككەوتنەكەن كە خوان لاپۆرتا و خۆرخێ مێسی لەسەری رێككەوتوون، بەڵام پێشبینی دەكرێت راگەیاندنی نوێكردنەوەی گرێبەستەكەی هەفتەی داهاتوو رابگەیێندرێت".