ئەمە بڵاوبكەوە
FaceBook  Twitter  

 

لە گەڕی چوارەمی خولی نایابی ئینگلتەرا یانەی مانچستەریونایتد بە ئامادەبونی كریستیانۆ ڕۆناڵدۆ ڕووبەڕووی نیوكاسڵ بویەوە و بە چوار گۆڵ بەرامبەر بە گۆڵێك سەركەوتنی بەدەستهێنا.

مان یونایتد لە ناو یاریگای ئۆڵدترافۆرد یاریكرد و هاندەران تامەزۆری دوبارە دەركەوتنەوەی ڕۆناڵدۆ بوون بە درێسی یانەكەیانەوە كە ئەوەش هاتەدی و كریستیانۆ لە خولەكەكانی 46 و 62 دا دوو گۆڵی تۆماركرد و برۆنۆ فێرناندێز لە خولەكی 80 و لینگارد لە خولەكی 92 گۆڵی سێیەم و چوارەم و سەركەوتنیان بەخشیە یانەكەیان.

رۆناڵدۆ دوای كۆتاییهاتنی یارییەكە لەلێدوانێكی رۆژنامەڤانیدا گوتی "هەستم بە نیگەرانی دەكرد كە نەتوانم بەشێوەیەكی باش دەربكەوم، پێشوازیەكی سەرسوڕهێنەرم لێكرا و من لێرەم بۆ ئەوەی یارییەكان ببەمەوە و هاوكاریی تیپەكەم بكەم."

یونایتد بەو ئەنجامە سێیەمین سەركەوتنی بەدەستهێنا و خاڵەكانی بۆ 10 خاڵ بەرزكردەوە و چووە پلەی یەكەمی ڕیزبەندی.