ئەمە بڵاوبكەوە
FaceBook  Twitter  

لە یاریەكانی پاڵاوتنی كیشوەری ئەوروپا تایبەت بە سەركەوتن بۆ مۆندیالی 2022ی قەتەر هەڵبژاردەی ئەڵمانیا بەرامبەر ڕۆمانیا یاریكرد و بە دوو گۆڵ بەرامبەر بە گۆڵێك سەركەوتنی بەدەستهێنا.

سەرەڕای ئەوەی ڕۆمانیا لە گۆڵ تۆماركردن دەستپێشخەربوو كاتێك لە خولەكی 9 لەلایەن یانیس هاجیەوە گۆڵێكیان تۆماركرد بەڵام ئەڵمانیا كۆڵینەدا و لە خولەكەكانی 52 و 81ی تایمی دووەم لەلایەن سێرج گنابری و تۆماس مۆلەر دوو گۆڵیان بۆ ئەڵمانیا تۆماركرد و سەركەوتنیان بەخشیە هەڵبژاردەكەیان.

لەیاریەكانی تریشدا كرواتیا ڕوبەڕووی قوبروس بویەوە و بە سێ گۆڵی بێبەرامبەر سەركەوتنی بەدەستهێنا، هەڵبژاردەی هۆڵنداش بەرامبەر لاتیڤیا یاریكرد و بە گۆڵێكی بێبەرامبەر یاریەكەی بردەوە.