ئەمە بڵاوبكەوە
FaceBook  Twitter  

كامیرۆن و بۆركینا فاسۆ سەركەوتنیان بۆ قۆناغی پێش كۆتایی جامی نەتەوەكانی ئەفریقا بەدەستهێنا.

لە قۆناغی چارەكی كۆتایی جامی ئەفریقا، هەڵبژاردەی كامیرۆنی ڕێكخەری پاڵەوانێتییەكە، بەرامبەر هەڵبژاردەی گامبیا یاریكرد.

كامیرۆن بە دوو گۆڵی بێ بەرامبەر یارییەكەی لە سودی خۆی كۆتایی پێهێنا و هەردوو گۆڵەكەش كارل توكۆ ئیكامبی لە خولەكەكانی 50 و 57دا تۆماریكردن.

بەمەش كامیرۆن شانبەشانی هەڵبژاردەی بۆركینا فاسۆ سەركەوتنیان بۆ قۆناغی پێش كۆتایی پاڵەوانێتییەكە بەدەستهێنا، كە ئەمیش لە قۆناغی چارەكی كۆتاییدا بە گۆڵێكی بێ بەرامبەر لە هەڵبژاردەی تونسی بردەوە و گۆڵەكەش دانگۆ واتارا لە خولەكی 45دا تۆماریكرد.