ئەمە بڵاوبكەوە
FaceBook  Twitter  

 

پێر ئۆبامیانگی یاریزانی ئارسناڵ بەهۆی فەرامۆشكردنی لە لایەن ئارتیتای ڕاهێنەر و بەسەر بردنی كاتەكانی لەسەر كورسی یەدەگ ئامادەیە بەبێ هیچ بڕە پارەیەك گەنەرز بەجێبهێڵێت و بە خۆڕایی بچێتە بەرشەلۆنە، ئەوەش یانە كەتەلۆنییەكەی ناچاركردووە كڕیاڕێك بۆ دیمبلی بدۆزێتەوە لە پێناو هێرشبەرە گابۆنییەكە و كەمكردنەوەی ئاستی مووچەی  ساڵانەی یاریزانەكانی لە ڕابیتەی خولی ئیسپانیا.

لەو بارەیەوە ڕۆژنامەی سپۆرتی كەتەلۆنی ئاشكرایكرد، ئالیمانی یاریدەدەری لاپۆرتای سەرۆكی بەرشەلۆنە داوای لە ئۆبامیانگ كردووە لە پێناو گواستنەوەی بۆ لالیگا بە مووچەیەكی كەم ڕازی بێت و یاریزانەكەش لەبەرامبەردا ئامادەیی دەربڕیوە بەبێ مووچەش لە كامپ نۆ یاریبكات. تاكە كاریش ڕێككەوتنی بەرشەلۆنەیە لەگەڵ ئارسیناڵ تا گرێبەستەكە چوارچێوەیەكی فەرمی وەربگرێت.