ئەمە بڵاوبكەوە
FaceBook  Twitter  

ئەستێرەی پێشوی یانەی مانچستەر یونایتد و سەرۆكی ئێستای یانەی ئینتەر میامی دەیڤد بێكهام باس لە دواین دۆخی یانەی مانچستەر یونایتد دەكات و داواكارییەكیش ئاراستەی كریستیانۆ رۆناڵدۆی پورتوگالی دەكات.

دەیڤد بێكهام وتی: "وەرزێکی قورس بۆ تیپەکە کۆتایی دێت، بەڵام ئەوە کۆتایی وەرزە و دڵنیام هاندەران سوپاسگوزارن کە وەرزە قورسەکە کۆتایی هات".

بێكهام : "هیچ یانەیەک بەو شتەی کە مانچستەریونایتد ئەزمونی کردوە لەم ساڵانەی دواییدا تێنەپەڕیوە و هاندەرانیان یاریگاکان بۆ وەرزی داهاتو پڕ هاندەر بكەنەوە"

بێكهام: "ئەوەی رۆناڵدۆ لەم تەمەنەدا پێشکەشی دەکات زۆر نایابە و هیوادارم بەردەوام بێت و وەرزێک یان دو وەرزی داهاتو لە مان یونایتد بمێنێتەوە".

بێكهام: "رۆناڵدۆ بەشێوەیەکی سروشتی یەکێکە لە باشترین یاریزانەکان لە 15 ساڵی رابردو لەگەڵ مێسی، بەردەوامبونی لەگەڵ یونایتد بۆ هاندەران و بۆ کریستیانۆ خۆی گرنگە، چونکە هەمومان دەزانین مان یونایتد مانای چییە بۆ کریستیانۆ رۆناڵدۆ هێشتا باشترین کار دەکات، گۆڵ دەكات و گۆڵیش دروست دەکات".