ئەمە بڵاوبكەوە
FaceBook  Twitter  

 

رۆژنامەكانی ئیسپانیا ئاشكرایانكردوە، سەرەڕای نزیكبونەوەی رۆیشتنی ماوریسیۆ پۆچیتینۆی ئەرجەنتینی لە راهێنەرایەتیكردنی یانەی پاریس سان جێرمان، بەڵام پاریس  روبەڕوی كێشە دەبێتەوە لە رێككەوتن لەسەر بەهای هەڵوەشاندنەوەی گرێبەستەكەی ئەو راهێنەرە كە بڕی 20 ملیۆن یۆرۆیە.

رۆژنامەی "ماركا"ی ئیسپانی بڵاویكردوەتەوە، ئەمە یەكەمجار نییە پۆچیتینۆ لەگەڵ هەڵوەشاندنەوەی گرێبەستەكەی لەگەڵ یانەیەكدا سور بێت لەسەر بەدەستهێنانی بڕگەی سزاكەی، چونكە لە ساڵی 2019دا بڕی 14.6 ملیۆن یۆرۆی لە تۆتنهام وەرگرتووە.

ئەمجارەیان پۆچیتینۆ داوای 20 ملیۆن یۆرۆ دەكات بۆ قبوڵكردنی رۆیشتنی لە پاریس سانجێرمان، ئەگەر ئیدارەی یانەكە سەركەوتو نەبن لە ڕازیكردنی ئەو راهێنەرە، دەبێت تەواوی ئەو بڕە پارەیەی پێبدەن.

كریستۆف گالتییە، راهێنەری نیس، نزیكترینە ڕاهێنەرە بۆ شوێنگرەوەی پۆچیتینۆ، هەر لەگەڵ رۆیشتنی راهێنەرە ئەرژەنتینییەكە گرێبەستی ئەو ڕاهێنەرە رادەگەیەنرێت، هەروەها ئیدارەی یانە فەرەنسییەكەی ئاگاداركردوەتەوە لە خواستی چون بۆ سەركردایەتیكردنی پاریس سانجێرمان.