ئەمە بڵاوبكەوە
FaceBook  Twitter  

ئەمڕۆ لە خولى ئینگلتەرا، مانچستەر سیتى بەرامبەر وڵڤرهامپتۆن یارى دەکات و ئارسناڵ و مانچستەر یونایتدیش یارى لوتکە دەکەن.

کێبڕکێکانى هەفتەى 21ى خولى نایابى تۆپى پێى ئینگلتەرا بەردەوامییان هەیە و ئەمڕۆ کاتژمێر پێنجى ئێوارە، مانچستەر سیتى لە یاریگاى ئیتحادى تایبەت بەخۆى، بەرامبەر وڵڤرهامپتۆن یارى دەکات.

لە هەمان کاتدا و لە یارییەکى تردا، لیدز یونایتد لە یاریگاى ئیلاند ڕۆد، میواندارى برینتفۆرد دەکات.

لە یارى لوتکەى هەفتەکەشدا و کاتژمێر حەوت و 30 خولەکى شەو، ئارسناڵ و مانچستەر یونایتد لە یاریگاى ئیمارات ڕووبەڕووى یەکدەبنەوە.

سبەینێش لە دوایین یارى هەفتەکەدا و کاتژمێر 11ى شەو، تۆتنهام هۆتسبێر لە دەرەوەى یاریگاى خۆیدا، بەرامبەر فولهام یارى دەکات.

لە ئێستادا ئارسناڵ بە 47 خاڵ و بە یارییەکى دواخراوەوە لە پێشەنگى ڕیزبەندى خولەکەدایە و بەجیاوازى پێنج خاڵ لە پێش مانچستەر سیتى پلەى دووەمەوەیە، نیوکاسڵ یونایتد و مانچستەر یونایتدیش بە 29 خاڵ و بەدواییەکدا لە پلەکانى سێیەم و چوارەمدان.