ئەمە بڵاوبكەوە
FaceBook  Twitter  

حکومەتى هەرێمە یەکگرتوەکانى ئەمریکا جەخت لەسەر ئەوە ئەکات کەلە مەودوا پەیوەندیەکانى لەگەڵ کورد باشتر بکا.

ئەگەر زۆر نەگەڕێینەوە دواوە پەیوەندى ئەمریکا لەگەڵ کورد لە عێراق بە تایبەتى ئەگەڕێتەوە بۆ سەردەمى سەرۆک ئۆباما لە ئەمریکا کە (جۆ بایدن) جێگرى بو.

هەروەکو کاتى خۆى ـ موخابەراتى ڕوسیا ـ ئاشکراى کرد ئەمریکا نەخشە و پلانى بۆ ئەوە دائەڕشت کە کوردوستانى سوریا لەگەڵ بەشێک لە کوردوستانى عێراق لێک بدات و دەوڵەتێک لەو ناوچەیەدا بۆ کورد دروست بکات و بیکات بە پێگەیەکى چەسپاو بۆ خۆى لە خۆرهەڵاتى ناوەڕاست دا. ئەم پڕۆژەیە وەستا بو لەسەر هەڵوەشاندنەوەى هەردو کۆمارى عێراق و سوریا.

بەڵام کە (دۆناڵد ترمپ) بو بە سەرۆکى ئەمریکا ئەم پلانەى بەبارێکى تردا وەرچەرخاند. بەشێکى زۆرى کوردوستانى سوریاى تەسلیم بە تورکیاى هاوپەیمانى کرد. هێزە کوردیەکانى لە سنورى تورکیا دورخستەوە. دەستى گرت بەسەر ناوچە نەوتیەکاندا و ناوچەى قامیشلۆ/ ى خستە ژێر سەرپەرشتى خۆیەوە ... هتد.

سەبارەت بە کوردى باشور (عێراق/ یش) ئەوەبو دواى ڕیفراندۆم/ ەکەى کورد ئەمریکا بو بە پشتیوانى حکومەتى عەبادى کە هێرشى کرد بۆ کەرکوک و ناوچەى هەرێم و کوردى ئەو شوێنانەى تارومارکرد و گەمارۆى ئابورى و سەربازى بەسەر هەرێم دا سەپاند!!

زیندوکردنەوەى مەسەلەى پەیوەندى لەگەڵ کورد لەلایەن ئەمریکاوە. پەیوەندى تەواوى هەیە بە کێشەى مانەوە و نەمانەوەى سوپاى ئەمریکا و هاوپەیمانەکانیەوە لە عێراق. کە بەشێکى زۆرى لایەنە دەسەڵاتدارە سیاسیەکانى عێراق, پشت بە بڕیارى پەرلەمانى عێراق, سورن لەسەر چونە دەرەوەى. ئەو کێشەیەى کە لە سەرەتاى ئەم مانگەدا گفتوگۆى لەسەر کرا لە بەینى هەردو حکومەتى عێراق و ئەمریکادا. و ڕاگەیەندنێکى کورت/ یان لەبارەیەوە بڵاوکردەوە.

لەلایەکى ترەوە ئەم پڕۆژەى دەوڵەتەى کوردبەستراوە بە کێشەى نێوان ئەمریکا و ئێران/ ەوە لە خۆرهەڵاتى ناوەڕاست داو لە عێراق دا بە تایبەتى. کە حکومەتى ئەمریکا بە سەرۆکایەتى (جۆبایدن) هەوڵ ئەدات ئێران بخاتەوە ژێر کۆنترۆڵى نێو دەوڵەتى سەبارەت بە بەرهەمهینانى هێز و چەکى ئەتۆم. واتە لاوازکردنى ئێران لەبوارى چەکدارى دا.

لەلاى سێەمەوە, ئەمریکا حکومەتى عێراق/ ى بە کێش کردوە بۆ هاوپەیمانى ئابورى هەمەجۆر لەگەڵ سعودیە و ئیمارات و ئەردەن و دەوڵەتانى ترى کەنداو. واتە دابڕینى عێراق لە ئێران کە سەرچاوەیەکى سەرەکى ئابورى و بازرگانى و سیاسیە بۆ ئەو. واتە داخستنى هەمو دەرگا و کەلەبەرێکى ژیان لە ئێران بەمەبەستى ڕوخاندنى ڕژێمەکە..

زیندوکردنەوەى پڕۆژەى دەوڵەتى کورد لە خۆى دا هەڕەشەیەکى ترە لە ڕژێمى ئێران. واتە لەلایەکەوە بزواندن و گەرم کردنى هەستى نەتەوایەتى لە کوردوستانى ئێران دا و لەلایەکى ترەوە پەیداکردنى پشتیوانێکى هاونەتەوەیى بۆ کورد کە خۆى ئەبینێتەوە لەو دەوڵەتەى کورد/ دا کە ئەمریکا کارى بۆ ئەکات. واتایەکى پێشینانى کورد هەیە ئەڵێ ـ هەموو ڕیگایەک بۆ بانە ئەچێ ـ . بەم مانایە هەمو هەوڵەکان بۆ ڕوخاندنى دەوڵەتى ئیسلامى ئێران/ ە. کە ڕوبەڕوى سیاسەتى ئەمریکا ئەبێتەوە لە عێراق و ناوچەکەدا.

ئەمڕۆ لە عێراق دا بەئاشکرا دو دەسەڵاتى سەربازى و سیاسى هەیە. دەسەڵاتێک سەربە ئەمریکا کە لە حکومەت و دەستە دایەرەى کازمى/ دا خۆى ئەبینێتەوە. و دەسەڵاتى دوەم شیعە و حەشدى شەعبى ک سەر بە ئێرا/ ن. ئەم کێشەى ئەمریکا و ئێران کە زیاتر لە عێراق دا گرژ و گەرم بوە. هەڵگیرساندنى شەڕى ناوخۆ یان ڕودانى کودەتایەکى سەربازى لەلایەن بەرەیەکیانەوە کە لەوانە دەست پێشخەرى بکات!!

وەنەبێ حاڵى حکومەتى سوریا لە عێراق باشتر بێ. کە بە کردەوە کەرت و پەرت کراوە و ئەگەر ڕوسیا نەبوایە دەمێک بو کۆمارى سوریا لێک هەڵوەشابو. ئەمڕۆیش ئەگەر ڕوسیا دەست پێشخەرى نەکات.. حکومەتى (بەشار الأسد) کورد واتەنى ((سەرى لە گوێى قەبر ئەلەرزێ)) و پڕۆژەى دامەزراندنى دەوڵەتى کورد پێشەکى لە سوریا وە دەست پێ ئەکات..

 

 

  • 1