ئەمە بڵاوبكەوە
FaceBook  Twitter  

 

خۆشەویستم كریستینا: ماوەیەك پێش ئێستا لە یەكێك لە ناوچە ئێزدی نیشنەكان رووداوێكی خەفتار‌و ناخ هەژێن روویدا، كچێكی ئێزدی لەسەر ئەوەی لەگەڵا كوڕێكی موسڵمان پەیوەندییەكی خۆشەویستیان هەبووە، لەلایەن كەس‌و كارەكەی‌و ژمارەیەك گەنجی توندڕەو بەشێوەیەكی دڕندانە كوژارو ئەو رووداوە دژی مرۆییە هەژانێكی كۆمەڵایەتی گەورەی دروستكرد، ئاخر كریستینای من كچەكە بە زیندوویی بەرد باران كراو تا گیانی دەرچوو بە هەزاران بەردی بەركەوت.

كچەكە ناوی دوعا بوو دیمەنی زەلیلی‌و بێكەسی‌و هات‌و هاوار‌و گریان‌و داد‌و فیغانی كچە لە ژێر دەست‌و پێی مرۆڤە دڵبەرد‌و توندڕەوەكان بەردی دەتواندەوە‌و مرۆڤ قێزی لە مرۆڤ بوونی خۆی دەكردەوە، دواتر كوشتنی دوعا زنجیرەیەك رووداوی دڵتەزێنی بە دوای خۆیدا هێناو ئەوەبوو لە زۆربەی شار‌و شا رۆچكەكامی كوردستان پەلاماری ئەو گەنج‌و پیاوە ئێزدیانەدرا كە لە پێناوی دابینكردنی بژێوی ژیان لە شوێنە گشتییەكان كرێكاریان دەكرد. لە زۆر شوێن بە چەقۆ پەلامار دران لە زۆر جێگای تر لەسەر كار دەركران‌و ئەوەبوو ژمارەیەك توندڕەو دەستەی تایبەتییان دروست كردبوو لێدان‌و راوەدوونانی گەنجە ئێزدییەكان.

بەداخەوە كوشتنی دوعا خەریك بوو سەریكێشی بۆ شەڕی ئایینی نێوان موسڵمان‌و ئێزدی كە هەردوورلایان كوردی رەسەن‌و پشتاوپشت خەڵكی كوردستانن.

ئەوەبوو تاكو ماوەیەكی زۆر گەنجە ئێزدییەكان بە ناچاری‌و لەژێر گوشار‌و مەترسی لەسەر گیانیان بەرەو زێدی خۆیان گەڕانەوە.

كریستینای من: تۆ دەزانی تاكو ئێستا هیچ گەنجێكی ئێزدی ناتوانێت لە چێشخانە‌و چاپخانە‌و شوێنە گشتییەكانی تری تایبەت بە خواردن كاربكەن؟ دەزانیت هەركاتێك خاوەنی كار‌و چێشتخانەكان بزانن ئێزدین لەسەر كار دەریاندەكەن، چونكە تەنها بۆیان هەیە لە یانەی خواردنەوە‌و كاربكەن‌و شوێنەكانی تریان لێ‌ قەدەغەیە.

داخەكەم كریستینا: كورد وەكو نەتەوە لێبوردە‌و خاوەن ئاكار‌و رەوشتی جوانی مرۆڤدۆستین، بەڵام نوخبەی سیاسی‌و كۆمەڵایەتی‌و ئاینیان لەشی زۆریان خۆیان‌و فیكر‌و ئایدیۆلۆژیا‌و ئایینان پێ‌ لە نەتەوە‌و نیتشمان گەورەترە.

  • 1