ئەمە بڵاوبكەوە
FaceBook  Twitter  

 

هەڵبەتە ئەركی دایك و باوك لەوەدا سەرچاوە دەگرێ كە منداڵەكەی بخاتە بەر نەشتەری پێگەیاندن و وەك نەمامێكی ڕاست و بەرهەمدار بەجۆرێ پەروەردەی بكات سوودو قازانجی بۆ ئەو ژینگەیە هەبێت كە تێیدا گوزەر دەكات، نەك ئاژەڵ و باڵندە ئاسا هەموو هەوڵێكی تەنها بەخێوكردن و گەورەكردنی بێچووەكەی بێت ئەوەش بەزەقی هەست پێ دەكەین چۆن بەپۆشی نەرم و نیان لەسەر گوێسان و دامێنی چیاو لق و پۆپی داردا هێلانە چێ دەكەن و هێلكەی تێدا دادەنێن كاتێ بێچووەكە چاو هەڵدێنێ ئەركیان تەنها ئەوەیە چۆن بەخێویان بكەن و گەورەیان بكەن، بۆیە ئەگەر مرۆڤ ئەو سیستەمەی لەژیانی ڕۆڵەكەی پیادە كرد ئەوە دەچێتە خانەی ئاژەڵ ئاساو كە ئەوە خاڵی هاوبەشی نێوانیانە و جیاوازی نێوان مرۆڤ و ئاژەڵەكانیش لایەنی رۆحیە كە چۆن ئەو منداڵە لەتەك بەخێوكردندا، پەروەردەیەكی جوان و تەندروست بكرێ كە ڕەنگدانەوەی لەسەر داهاتوویەكی گەشی ئەو كۆمەڵگایە هەبێت و ببێتە ئەندامێكی كاراو كاریگەر لەخزمەتكردن و پیادەكردنی بەها جوانەكان.

2022/ شارۆچكەی تەق تەق