ئەمە بڵاوبكەوە
FaceBook  Twitter  

 

لەسیاسەتدا کەبنەماکانی ئەخلاقیەتی تێدا نەما ،پەنا بۆ هەمووکارێکی ناسیاسیانەی دوورلەئەخلاقیەت دەبرێت بەهەرشێوازێک مەبەست بێت بۆمانەوە نەک بۆخزمەتی خەڵک بەگشتی دەبێتە کارەچەند بارە نەگەتیفەکان ،بۆ

خزمەتی خودو سودبەخش وتایبەت، هاوکات ئەم جۆرە سیاسەتکردنەش پێویستی بەڕاگەیاندنی ڕووکەش و دوور لەبنەما ی موڕاڵی نائینسانی هەیە،لەهەمان کاتدا ئەم جۆرە لە ڕاگەیاندنەکان ومیدیا تایبەتەکان گرنگی و ڕاستگۆیی لەدەست دەدات،تاوای لێدێت خەڵک هیوای لەسەر بنەمای هەواڵ وزانیاری ناڕاست بەرگوێ وبینین وبیستنی دەکەوێت.

لەماوەی چەند ساڵی حوکمڕانی دەسەڵات لەکوردستاندا ئەم دیاریدە بێ بەهایە زۆربەڕوونی وئاشکرا هەست پێ دەکرێت تائەوئاستەی ئەگەر لەڕابردودا پێیان وابووبێت

هاوڵاتیان شارەزاو تێگەیشتنیان نەبوبێ،بەڵام لەئێستادا لای تاک بەتاکی هاوڵاتی ئەم جۆرە لەسیاسەت کردنە وەک مانگە شەوی سەر لەئێوارە دیارو ڕوونە،بۆ زیاتر لەچەند دەیەیەک دەچێت دوو حزبی سیاسی پەیمانی بەڕێوەبردنی سستەمی حوکمڕانیان ژێر بەژێرنەک تەنها لەسەر کاغەز مۆر کردوە ، بەڵکوو ڕەنگ وایە لەسەر بنەمای سوێندی خوێنیش ئەم دەبەشکاریەیان کردبێت بۆهەربەشێک لەقسەکانیشمان نمونەکانیان لەڕابردوو لەئێستاو ئایندەش ڕاستگۆیی نوسینەکانمان دەسەلمێنێ

بۆنموونە.....ئەوان بەرنامەی حوکمڕانی(50 بە 50)یان داڕشت وجێ بەجێشیان کرد بۆ سودی هەردوو حزب. دووئیدارەییان دروست کرد،بەیەکەوە بڕیاری چونە بەغدادیان دا هەر خۆشیان چۆن بیانەوێت هەڵیدەوەشێننەوە ، بەیەکەوە سستەمی نادادی سەرمایەداریان قبوڵ کرد، داهاتی نەوت وگازیان دەرهێناو هەربەیەکیشەوە فرۆشتیان. بەیەکەوە بڕیاری نەهێشتنی کەرتی گشتیان دا،بەیەکەوە وازیان لەناوچە کوردستانیەکان هێناومادەی 140یان زیندەبەچاڵ کرد، بەیەکەوە پۆستی سەرۆک کۆماری عێراق و سەرۆکی هەرێمیان دابەش کرد،گومرگ وخاڵە سنوریەکانیان لە نێوان خۆیاندا وەک دووحزبی براو مەسڵەحەت دابەش کردتەنانەت جوگرافیای کوردستان وسەروەریەکانمانیان لەنێوان ووڵاتانی بەناو دراوسێمان وەک برا دابەش کرد، بەیەکەوەبڕیاریاندا چۆن کەسایەتی هاوڵاتی کورد تێک بشکێنن ،چەند بۆنی قازانجی زیاتربگاتە لوتیان،کاری زیانبەخشی زیاتر بەرامبەر بەکۆمەڵگا ئەنجام دەدەن ...هتتد

هاوشان بۆئەوەی ڕاستیە تاڵەکانیان بشارنەوە،واجیهەی ڕونی نا خزمەتگوزاریەکانیان دەرنەکەوێت،مێژوی بێ بەرهەمیان ئاشکرا نەبێت،هەنگاوەکانی ئایندەیان بەڵێڵی درێژە بکێشێت، پێوستیان بەڕاگەیاندنی سەردەمیانە هەیە،بەڵام کوام ڕاگەیاندنە؟ئەو ڕاگەیاندن و میدیایەی کە ببێتە بەشێک لەخۆیان،بێتەدەرەچەیەکی کراوە بۆ دۆزینەوەی ئەزمە نوێکانیان، ببێتە داپۆشێنەری ناڕاستیەکانیان، بیرۆکەی گەڵاڵەی ڕاگەیاندنەکانیان بەخشینەوەی ناڕاستییەبۆڕاستی بۆبەردەم بینەروبیسەر هەوڵدانە بۆکات کوشتنی زیاتر،لەبیربردنەوەی داخوازیە ڕەواکانی خەڵکە،مەودای نێوان خۆیان و خەڵک کەچەند دورە،بەڕاگەیاندنەکانیان ومیداکانیان واپیشانی دەدەن کەزۆر نزیکە،دۆزەخی دروستکراوی دەستیان،وا پیشان دەدەن کەتاکە بەهەشتی سەر ئەم زەویەیە ، توخمی چەکەرەی ڕاگەیاندنەکانیان کە ووشک وزەردهەڵگەڕاوە واپیشان دەدەن کەبەردەوام لەنەش ونەماو سەوز بوندایە،سستەم وبەڕێوەبردنی حوکمڕانیان لەمیدیاو ڕاگەیاندنەکانیانەوە واباس دەکەن کە نمونەیەکی تازەی سەرکەوتوە لەسەر ئەم گۆی زەوییە،نێنەری هەواڵ دان وزانیاریەکان بەم جۆرە ڕاگەیاندنانەو میدیاکان لەدوو حزبی سیاسیەوە دەگات پێیان ، بەڵام بێ فام ونەزان کەشیکردنەوەی ئێستای وەرگر کە هاوڵاتییە وەک ڕابردوو نییە،بەڵکو گۆڕاوی سەردەمیانەیە لەسەر ئەو بنەمایەی چی و پێ بەخشیوم بەرهەمی بەخشینەکەت پێ دەدەمەوە.لەوە گرنگتر بۆڕاگەیاندن سودی فکریە نەک خەفڵاندن ولەبیربردنەوەی ڕاستیەکان،بەهەردوو دیوەکەیدا دەبێتە پرۆسەیەکی ڕۆشنبیری وناڕۆشنبیری ڕەنگدانەوەشی دەبێت، کەواتە ڕاگەیاندن دەتوانێت ببێتەهاندانێکی باش ،بۆئەوەی جەماوەریش بڕیاری باش بدات.

 

  • 1