ئەمە بڵاوبكەوە
FaceBook  Twitter  

 تورکیا رەزامەندی پیشاندا سوید و فینلاند لەناتۆ بە ئەندام وەرگیرێن، ئەوانیش ڕازیبوون لەمەلەفی تیرۆر هاوکاری تورکیا بکەن. سکرتێری گشتی ناتۆ (ستولتنبرغ) ئەمڕۆ کە لەکۆبوونەوەکە بەشدار بوو گوتی: هیچ وڵاتێک لەناتۆ هێندەی تورکیا رووبەڕووی هێرشی تیرۆریستی نەبووەتەوە و پەکەکە رێکخراوێکی تیرۆرستییە. کورد کوشتن و پڕکردنی زیندانەکان لەئازادیخوازان،  قەدەغەکردنی سادەترین ماف و تەنانەت نکۆڵیکردن لەبوونی سی ملیۆن کورد لەسەر خاکی خۆی، بەلای ناتۆ و زلهێزەکان ئاساییە، چون روونە تورکیایەک بەکوردێکی بێ دەوڵەت و بێ خاک نادەن. ئەمە گەلەکۆمێیەکی دیکەی زلهێرەکانە لەکورد دەکرێت، نەک پەکەکە بەتەنیا. وڵاتانی ئەوروپا قایل دەبن کوردان بەناوی تیرۆریست رادەستی تورکیا بکەنەوە. دەستی ئەردۆغان واڵاتر دەکات، زووتر پەلاماری رۆژئاوای کوردستان بدات و هێرشەکانیشی لەباشوری کوردستان فراوانتر بکات. ئامانجەکە هەر پەکەکە نییە و دوورتر لێدانە لە هەر بزاوتێکی کوردی، لەو وڵاتانەی کوردستانیان بەسەردا دابەشکراوە. داخ ئەوەیە لەو هەرێمەش لەجیاتی پێگە و پایەی ئەو قەوارەیە پتەوتربکەن، هەر خەریک تۆخکردنەوەی تخووبی ئەمارەتی سەوز و زەردن! بیرێک ناکەنەوە زلهێزەکان لەدوو بەرژەوەندین و دوور نییە رۆژێک ئێرەش گورگان خواردوو بکەن و بمانکەنە تیرۆریست!

 

 

 

  • 1