شیعری شەهلا نوری
زووبوو
زۆریش زووبوو
نەمئەزانی دڵت وشکە سۆفیە و
لەگەڵ گۆڕینی هەردەنکێ لە تەسبیحەکەی دەستت
دڵیشت دەگۆڕی
زوو ئۆغرت کرد
بۆ دەوڵەتی خەون و غوربەت
ڕەزی ترێ و شکۆفەی گوڵ و یاسەمەنت وشک کرد
زۆر زووبوو
بۆ کەزیەکی ڕووبازی بوو
کە بەمبوڵەیەک شیعر
بهۆنیتەوە !
دەیهۆنیتەوە وەکو شیعرچیەک
نەوەک شاعیرێک بیهۆنێتەوە
من و ئێوارانە
بەتەپ و تۆزی چۆڵگەی دڵت وا زوو تەڵخ دەکەیتەوە
شەهلا نوری