دەنگێ هیڤییەکێ
کورتە چیرۆک
نڤیسین: زێرەڤان سەعید
ل گوندەکی و دمزگەفتەکا کەڤنار ڤە دەمژمێرەکا تۆزگرتی ل سەر مێزەیەکێ بوو، میلێ درێژ ل سەر ژمارە دووازدە و یێ بچیک ل سەر دەهێ بوو، چەندین سال بوو ژ کار کەفت بوو،
گۆندیا بەردەوام دگۆت: "ئەڤ دەمژمێرە یا مایە ل سەردەمێ کەڤن".
رۆژەک ژ رۆژان چاڤێ زارۆکەکی ب وێ دەمژمێرێ کەفت، جاما وێ شکەستی بوو، رەنگێ وێ زەر ببوو بەلێ دەما کرییە دناڤ دەستێن خودا دلێ وی ب هێز خۆ لێدا، پاشی ب دەستێن خۆ میلێن دەمژمێرێ لڤاندن و دا بەر گوهێ خۆ و هەست ب تک... تکا وێ کر و ب کەلەژان ڤە گۆت: "ژ ئەڤی دەمی پێڤە دەمژمێر ژ بۆ مە ژی دێ دەرباز ببن".
لێ چ کەسان گۆهدارییا ئەوی نەکرن.
دەمژمێرا ژ کارکەفتی جارەکا دی کار کرەڤە، بەلێ ب تنێ دچاڤێن زارۆکیدا...!!!
گۆندییان هەر دگۆت: "ئەڤ دەمژمێرە دوبارە کار ناکەتە ڤە"، بەلێ بۆ زارۆکی وەسا نەبوو، ژ بەر کو ژ بۆ ئەوی د هەستان دا دەم گرنگ نەبوو، بەلکو هیڤی و ئومێدان گرنگییا خۆ هەبوو...