32
گەوادەکــانی بەتاوین
ڕەقیبی ژمارە سێ: ئێرە هۆڵی دادگایە، بێ دەنگ بە قەحپەی بێئابڕوو.
سەروین: گەر ئێمەی ژن قەحپەبین، ئەی ئێوەی پیاو چین؟
ڕەقیبی ژمارە سێ(بێ دەنگ دەبێت و هیچ وڵامێکی نییە) .
سەروین: دیسان وڵامت نەبوو؟
ڕەقیبی ژمارە سێ: بریا باوکە بێشەڕەفەکەت، ماکەرێک یان دێڵەسەگێکی بهێنایەتە سەر دنیا، بەڵام قەحپەیەکی وەک تۆ نا.
سەروین: بریا نێرەکەرەکەی عوزێر یان سەگەکەی بافلۆڤیش باوکی کچەکەی تۆ بوایە، بەڵام بێشەڕەفێکی وەک تۆ نا.
ڕەقیبی ژمارە سێ: لەشفرۆشی بێ مۆڕاڵ.
سەروین: لەشفرۆش تەنها (ک+و+س+ی) خۆی دەفرۆشێت، بەڵام ئێوە نیشتمان و ویژدان و ئەخلاق و مۆڕاڵ و مرۆڤبوونی خۆتان دەفرۆشن.
ڕەقیبی ژمارە سێ: بێشەڕەف.
سەروین: بێشەڕەف کڕیارەکانن.
ڕەقیبی ژمارە سێ: کچەی سەگ.
سەروین: گەر بڕیاربێت فرۆشیار قەحپە بێت، ئێوەی کڕیاریش گەوادن.
ڕەقیبی ژمارە سێ: قەحپە لە هیچ زمانێک تێناگات !
سەروین: گەوادەکانیش.
ڕەقیبی ژمارە سێ: لەشفرۆشەکانی (ٚسەححاجی) زۆر لەتۆ بە حەیاترن.
سەروین: گەوادەکانی (بەتاوین)یش زۆر لەتۆ بەحورمەتترن.
ڕەقیبی ژمارە سێ: سۆزانی، لە کوێ ناوێ بەتاوینت بیستووە، خۆ لەوێ کارت نەکردووە و نەتداوە؟
سەروین: ئەی تۆ لە کوێ ناوی سەححاجیت بیستووە، خۆ لەوێ گەوادیت نەکردووە؟
ڕەقیبی ژمارە سێ: تۆزۆر قەحپەیت.
سەروین: دەزانی چیت بیرهێنامەوە؟
ڕەقیبی ژمارە سێ: چی؟
سەروین: دەڵێن:جارێک کوڕێک ویستی لەبەردەم هاوڕێکانیدا هاوڕێکەی بشکێنێتەوە. پێی گوت:دوێنێ دایکم دایکتی لە قەحپەخانە بینیبوو !
کوڕەکەیش پێی گوت: ئەی دایکت لەوێ چی دەکرد؟
ڕەقیبی ژمارە سێ: زمانت بەقەد (ک+ێ+ر+ی) نێرەکەرێک درێژبووە.
سەروین: وایە. ئەی ڕیشەکەی تۆ بەقەد چی؟
ڕەقیبی ژمارە سێ: گوتم قەحپەکان لە زمان تێناگەن !
سەروین: گەوادەکانیش.
ڕەقیبی ژمارە سێ: بێ تەربییەت.
سەروین:دەڵێن: لەشفرۆشێک لە یەکێک لە گەڕەکەکان هەبوو،
ژنێک بوو هەموو پیاوانی گەڕەک بۆی سووتابوون و حەزیان دەکرد گەر بۆ تەنها شەوێکیش بێت لەگەڵی بخەون و ئارەزووە حیزەکەی خۆیانی پێ دابمرکێننەوە. کەچی ئەو پیاوە بێشەڕەفانە بە هاوسەرەکانیان دەگوت: هیچ یارمەتییەکی ئەو ژنە نەدەن و چێشتی خێریشی بۆ نەبەن !
ئەو ئافرەتە تەنها خەریکی کاری لەشفرۆشی خۆی بوو. لەشی خۆی دەفرۆشت و حەقی ژیان و ئازادی کەسی نەبوو.
ڕۆژێک حاجی ئاغا گوتی دەبێت ئەم ئافرەتە لەشفرۆشە لەم گەڕەکە بڕوات. گەنجەکانی گەڕەکی هەمووی تووشی لادان کردووە و لە ڕێگای مزگەوت دووری خستوونەتەوە.
باشە ڕیشنۆک، پرسیارێک: بۆچی ئەم ئافرەتە توانی ئەم هەموو پیاوە لە ڕێی مزگەوت دووربخاتەوە، بەڵام ئەهلی مزگەوت و خودا و جەماعەت، نەیان توانی ئافرەتەکە بهێننەوە سەر ڕێگای ڕاست؟
دەزانی بۆ؟ دیارە ئافرەتەکە باوەڕی بە کارەکەی خۆی هەبووە، بەڵام جەماعەتی مزگەوتێ نا !
ڕەقیبی ژمارە سێ: حەقی کوشتنت هاتووە.
سەروین: تۆ وڵامت نەدامەوە! گەر ئەو ژنەی (گ+ا+ن) دەدات و لەشی خۆی دەفرۆشێت، ناوی قەحپە و سۆزانی و لەشفرۆش بێت، ئەی ئەو پیاوەی (گ+ا+ن+ە+ک+ە) دەکات و کڕیارە و لەشی ژنەکە دەکڕێت ناوی چییە؟
ڕەقیبی ژمارە سێ: بێدەنگ بە قەحپەی بەڕەڵا.
سەروین: ناوی بکەین بە گەواد؟