شانۆ نامە
بەشی٣٥
کچانــی سـەگ
ڕێزان: لە ڕۆحێک بمانکوژن، لە ڕۆحی هەزاران کچیتری شۆرگێڕی کورد، لە ڕۆحی دنیایەک قارەمانیتری بوێر و نەترس، دووبارە دێینەوە بۆ گیانی خێڵ و نەریت و جاش و بتەکانی کۆمەڵ و قانوونەکانی سمێڵ.
سەیران: ئێمە لە کانیاوی فەلسەفەی سوکرات ئاومان خواردووەتەوە. دەرمان و نهێنی مانەوەمان لە ئاسمان دزیوە و ڕۆحمان سیفەتی خوداوەندێتی و نەمری وەرگرتووە.
لە جەستەیەک بمانکوژن، لەسەد جەستەی تر بۆتان دێینەوە. لە لاشەی مرۆڤێکدا وشکمان کەنەوە، لە بەرگی سەتان سەگ جارێکیتر سەوزدەبینەوە و دەگەڕێینەوە.
بێخاڵ: ئێمە لە سەر مەزهەبی دۆنادۆن و لە پێڕەوانی تەریقەتی جاویدانین.
ئێوەی مەرگ دۆست، سوکراتیش ژەهرخواردکەن، بیر و باوەڕەکەی هەردەمێنێتەوە.
ڕەقیبی ژمارە سێ: ئێوە لە گ+وو+ت+ا+ن خواردووە و سیفەتی سەگتان وەرگرتووە و لە پێڕەوانی تەریقەتی سەرلێشێواوین.
بێخاڵ: ئێمە هەڵقوڵاوی هەستی چینی پڕۆلیتەرین. وزە لە تیشکی خۆرەوە وەردەگرین و ڕەگمان دەچێتەوە سەر مانیفێستەکەی مارکس و ئەنگلز.
سەیران: ئێمە، کچانی کەیخوسرەوین.
ڕێزان: ئێمە نێردراوی ئێزدانین و هاتووین تا کاپیتاڵیزم لە ڕەگەوە هەڵقەنین.
ڕەقیبی ژمارە سێ: ئێوە گرووپی گ+ان+دەران و کچی قەحپەن، لە چاڵەونەوە هاتوون، تا قسەی حیز بکەن و گ+وو+ی بخۆن.
هەرسێکیان(سەیران و بێخاڵ و ڕێزان): پێکەوە: جڕڕڕڕڕڕڕت.
ڕەقیبی ژماره سێ: جڕت بۆ ئەژداد و ئابائتان، ماکەردایکینە.
بێخاڵ:ئێمە کچانی حەفسەی نەقیبین.
سەیران: کچانی سینەم خان و بەدرخانینیەکانین.
ڕێزان: کچانی مەهابادا قەرەداغی و ئەحلام مەنسورین.
ڕەقیبی ژماره سێ: ئێوە کچانی مەیموونن.
بێخاڵ:ئێمە لە منداڵدانی گاتاکانی زەردەشتەوە هاتووین، دەستێکمان پەڕاوی ڕەش و دەستەکەیترمان ئاڤێستایە.
ڕێزان: ئێمە ڕۆڵەکانی میدین و بە دەمار و هەست و خوێن میترایین. نەسەبمان دەچێتەوە سەر ئەهلی حەققە و یارسانییەت.
سەیرانن: ئێمە گرووپی کچانی لالشی نورانی و نەوەی تاوسی مەلەکین.
ڕەقیبی ژماره سێ: ئێوە، کچانی سەگ و نەوەی دۆزەخن. نەسەبتان دەچێتەوە سەر ئەهریمەن و لە ک+و+س+ی سەروینی بێهەوسار و دەمشڕەوە هاتوون.