بەشی٣٨
با بڕمێت کۆنەپەرستی
ڕەقیبی ژمارە سێ: بەسیکەن کچەتیوینە.
سەیران: ئێمە ئارین.
بێخاڵ: ئێمە میدیین.
ڕێزان: ئێمە کاردۆخین.
سەیران: ئێمە گۆتین.
بێخاڵ:ئێمە خوورین.
ڕێزان:ئێمە کاشین.
سەیران:ئێمە لۆلۆیین.
بێخاڵ:ئێمە زەردەشتین.
ڕێزان: ئێمە ئێزدانین.
سەیران:ئێمە:یارسانین.
بێخاڵ: بژی ئاستیاگ.
ڕێزان:نەفرەت لە کۆرش.
سەیران:با بمرێت کاپیتاڵیزم.
بێخاڵ: با بمرێت خێڵ.
ڕێزان: با بمرن هەمووان.
ڕەقیبی ژماره سێ: با گ+وو بخۆن هەرسێکتان.
سەیران: با بڕوات بۆ دۆزەخ نەریت.
بێخاڵ: با ون بێت بیری پاتریارکی.
ڕێزان: با ڕیسوابن ژنکوژان.
ڕەقیبی ژماره سێ: با گ+ا+ن بدەن هەر سێکتان.
سەیران: گەمژە عیسمەت ئینۆنۆی خۆ فرۆش.
بێخاڵ: چرووک تەها یاسین ڕەمەزان.
ڕێزان: ڕسوایی بۆ مەلا خەتێ و مەلا ئدریسی بەدلیسی.
ڕەقیبی ژماره سێ: لە شەڕەفتان بەم.
سەیران: جڕت بۆ حەقیقەتی ڕەها.
بێخاڵ: بڕمێنن بتەکان.
ڕێزان: بەڵێ بۆ پووچگەرایی.
ڕەقیبی ژماره سێ: لە مەعریفەتتان بەم.
سەیران: با لەناوبچن نەیارانی ئازادی.
بێخاڵ:با دابوەشێن تاریکپەرستان.
ڕێزان:با بڕمێت کۆنەپەرستی.
ڕەقیبی ژماره سێ: با کەسێک بێت و س+و+ار+ی ئەم سێ دەیناسۆرە بێت.
سەیران: ئەگەر حیسابی شوورای چینیش بۆ خۆت و بیروباوەڕەکەت بکەیت،
بێخاڵ:بێگومان وەک دیواری بەڕلین دەتانڕوخێنین.
ڕێزان:بە دڵنیاییەوە، دەتانکەین بە هەبوو نەبوو و بەشێک لە ڕابردوو و بە زبڵدانی مێژووتان دەسپێرین.
ڕەقیبی ژماره سێ: هەموان هەستنەوە سەرپێ.
هەموو ئامادەبووانی هۆڵەکە بە دەم گوتنەوەی دروشمی ئەلڵاهو ئەکبەر و مەرگ بۆ مولحیدان، گوێی ئاسمان کەڕ دەکەن.
ڕەقیبی ژمارە سێ:بسم اللە الرحمان الرحیم.
خوشک و برایانی ئیماندار، ئەسسەلام عەلەیکوم.
دوا بڕیاری دادگا بەو شێوەی خوارەوەیە:
بە تاوانی کوشتن و تێکدانی ئاسایشی وڵات و چوونە ڕیزی موخەڕیبان(پێشمەرگەکان) و دژایەتی کردنی ئایینی دەوڵەت و ئەخلاقی میلەت و بڵاوکردنەوەی بیری ئیلحاد و هەڵگەڕانەوە لە مێژووی موقەدەسی ئومەتەکەمان، دادگا بڕیاری خۆی سەبارەت بەو سێ کچە مولحید و گومڕا و بێ دین و تێکدەرە، بەو شێوەی خوارەوەدا:
١-ڕێزان قارەمان میکائیل: هەزار و دووسەد ساڵ مانەوە لە گرتووخانە، لەگەڵ کاری قورس.
٢-سەیران محەمەد میرزا، هەزار و سێ سەد و دوو ساڵ و چوار مانگ و دوو ڕۆژ مانەوە لە گرتووخانە، لەگەڵ کاری قورس.
٣- بێخال عوسمان ڕەشید: حەوسەد ساڵ و حەوت مانگ و حەوت ڕۆژ و حەوت کاتژمێر مانەوە لە گرتووخانە، لەگەڵ کاری قورس.
سەیران: لە ڕۆمان بمکوژن،
بێخاڵ: لە شانۆنامە بۆتان دێینەوە.
ڕێزان: لە فیلم کۆتا ئەڵقەمان لێبدەن،
سەیران: لە شیعر یەخەتان دەگرینەوە.
سەروین: هاوڕێیان"بڕوانن چەند ئاسوودەین. نابێت دڵگران بن. لەپێناو دۆزێکی بە شەرەفدا تێدەکۆشین، باجەکەشی هەرچییەک بێت ئامادەین. بڕوا بە سەربەخۆیی کوردستان بکەن، بڕوا بە گەورەیی و پیرۆزی ئەم دۆزە بکەن. زۆر گرنگە بزانین لەم دۆزەدا مردن هەیە و لەوەش گرنگتر ئەوەیە بزانین چۆن بمرین. بڕوانێن، هەندێک کەس ژیانێکی ریسوا و رەزاڵەتیان هەڵبژارد. مردنیان قێزەونترین جۆری مردنە(٭)
بێخاڵ: کچینە سەروین هات !
بەڵێ من لێرەم هاوڕێیان. دەی با هەموومان پێکەوە بڵێین:
بژی کورد، بژی کوردستان، نەمری بۆشەهیدان.
سەیران+ڕێزان+بێخاڵ+سەروین:
بژی کورد، بژی کوردستان، نەمری بۆشەهیدان.
لەگەڵ دەنگی چەپلە و دروشمی(بژی کورد و کوردستان)ی ئامادەبوانی هۆڵەکە، پەردەی شانۆیەکە دادەرێتەوە.
ــــــــــــــــــــــ
٭ساکینە جانسز(سارا)، ژیانم هەمیشەتێکۆشان بوو، بەرگی دووەم، وەرگێڕانی لە تورکییەوە:ئارام پێنجوێنی، ل551.