بەشی بیست و یەك
بڕوخـێ مــــرۆڤ!
ڕێزان:کچینە دەی،
بێخاڵ:چی؟
سەیران:با زیاتر ڕابوێرین.
بێخاڵ:بەکێ؟
ڕێزان:مـــرۆڤ!
سەیران:دەستی بگات بە هەرشتێک و شوێنێک،
بێخاڵ:داکی ئەو شوێن و شتە دەگێت مرۆڤ.
ڕێزان:نەدەبوو ئێمە، هەرگیز وەک مرۆڤ لە دایک بین.
سەیران:کارەساتە مرۆڤ!
بێخاڵ:یەکەم هەڵەی خودابوو،
ڕێزان:چی؟
سەیران:مرۆڤ دروستکردن
بێخاڵ:بەڵێ، شکستێکی زۆر گەورەبوو.
بێخاڵ:لەوەتەی مێژوو هەیە، مرۆڤ هەر درۆدەکات!
ڕێزان:بەڵێ:" هاوڕێ، هەموویان درۆی دەکەن،
نە گۆرانبێژێکی ڕۆمانسی ئاشقە،
سەیران"نە بێژەری دڵ گەرم نیشتمانی خۆش دەوێت،
بێخاڵ: نە پیاوی ئاینیش خودا دەناسێت"(٭)
ڕێزان:پیییییف.
بێخاڵ:چیبوو؟
سەیران:گەیشتە سەر مەریخ.
ڕێزان:کێ؟
بێخاڵ:مرۆڤ!
سەیران:بگات بە خوداش،
بێخاڵ:ئێێ؟
ڕێزان:هەرقاڵۆنچەیە مرۆڤ.
بێخاڵ:ئەوجە چییە؟
ڕێزان:گوتم:بشفڕێت،
سەیران:هەر بزنە مرۆڤ.
ڕێزان:دەبێت سنووری بۆ داندرێت مرۆڤ.
سەیران:فشە کــــــــەرە مــرۆڤ
بێخاڵ:هاوڕێیان، ئەرێ دەبەسیکەن و واز بێنن لە هیچە مرۆڤ.
سەیران: من هیچ شتێک بە مرۆڤەکانم نابەستێتەوە،
ڕێزان:تەنها جڕت نەبێت.
بێخاڵ:منیش.
سەیران:بێ ئەمەکە مرۆڤ.
ڕێزان:"سەرەنجام بە وەفاترین دووانەی جیهان پێڵاوەکانی خۆتن.(٭)
بێخاڵ:ئافەرین.
سەیران: مرۆڤەکان قەفەسی ئێمەن.
ڕێزان:ئازادییەکانمان سنوورداردەکەن.
بێخاڵ:دەست لە ژیانمان وەردەدەن.
سەیران:لە ژن بوونمان دەدزن.
ڕێزان:زۆر بێشعوورن مرۆڤەکان.
سەیران: لەوانەیە،
ڕێزان:چی؟
بێخاڵ:جارجار هەستی پێ بکات مرۆڤ.
سەیران:هەست بە چی؟
ڕێزان:کە مـرۆڤە مرۆڤ!
سەیران:تۆ دڵنیاییت؟
بێخاڵ:گوتم لەوانەیه.
سەیران:کەواتا هێشتا هەر گریمانەیە؟
بێخاڵ:ئێ خۆ نەمانگوتووە تیۆرێکی زانستییە و سەلمێندراوە.
ڕێزان:نەریتگەرایە مرۆڤ.
سەیران:ژن کوژە مرۆڤ.
بێخاڵ:مەزهەبییە مرۆڤ.
ڕێزان:ئایدۆلۆژیستە مرۆڤ.
سەیران:سەی کوڕی سەیە مرۆڤ.
بێخاڵ:زۆر سووکە مرۆڤ.
ڕێزان:دەمارگیرە مرۆڤ.
سەیران:باوەڕی بە پێکەوەژیان نییە مرۆڤ.
بێخاڵ:بۆچوونی جیاواز قبوڵ ناکات مرۆڤ.
ڕێزان:دژی دیموکراسییەتە مرۆڤ.
ڕێزان:تەنها لاسایی دەکاتەوە مرۆڤ.
سەیران:کوێرانە شوێن شتەکان دەکەوێت مرۆڤ.
بێخاڵ:حەزی لە کۆپی پێستە مرۆڤ.
ڕێزان:گەمژەیه مرۆڤ.
سەیران:بۆندی لەگەڵ نەزانی مۆرکردووە مرۆڤ.
بێخاڵ:مایەی بەزەییە مروڤ.
ڕێزان:کوشتەی دەستی خورافەیە مرۆڤ.
سەیران:ئایینی هەیە مرۆڤ!
بێخاڵ:ئێ بیرناکاتەوە مرۆڤ.
ڕێزان:بۆیە حەزی لە تلیاکە مرۆڤ.
سەیران:گوتم:هۆشیار نییە مرۆڤ.
بێخاڵ:بەڵێ، کۆیلەی ئەوانیترە مرۆڤ.
ڕێزان:بێگومان خاوەنی خۆی نییە مرۆڤ.
سەیران:ئەهلی فیکر نییە مرۆڤ.
بێخاڵ:حەزی لە لۆژیک نییە مرۆڤ.
ڕێزان:تاقەتی بیرکردنەوە و بڕیاردان و بە دواداچوونی نییە مرۆڤ.
سەیران:ئەوانیتر لێی دەخوڕن مرۆڤ.
بێخان:مەڕ و مێگەڵە مرۆڤ.
ڕێزان:چێژ لە فەوزا دەبات مرۆڤ.
سەیران:گاڵتەجاڕە مرۆڤ.
بێخاڵ:تا بڵێیت ئاژاوەگێڕە مرۆڤ.
ڕێزان:خووی بە شەڕەوە گرتووە مرۆڤ
سەیران:دوژمنی ئاشتییە مرۆڤ.
بێخاڵ:خۆشیشە مرۆڤ.
ڕێزان:خۆی پێ ڕۆڵەی خودایە مرۆڤ!
سەیران:گەلی هەڵبژێردراوی خودایە مرۆڤ.
بێخاڵ:عەلەساس فیرقەی ناجیە خانێیە مرۆڤ.
ڕێزان:هەرگرووپەی تەنها خۆی بەڕاست دەزانێت مرۆڤ.
ڕێزان:کۆتا ئایینە مرۆڤ.
سەیران:دوایین تەفسیریشە مرۆڤ.
بێخاڵ:هەموو حەقیقەتەکان تەنها لای مرۆڤە مرۆڤ!
ڕێزان:یەقینە مرۆڤ.
سەیران:حەقیقەتی ڕەهایە مرۆف.
بێخاڵ:بەڵێ، وەهمە وەهم مرۆڤ.
ڕێزان:ئاژەڵێکی قسە کـــــــــــەرە مرۆڤ
سەیران:هەڵە نەبم بێ دەماخیشە مرۆڤ؟
بێخاڵ:ئەی نەمانگوت:کێشەی تێگەیشتنی هەیە مرۆڤ؟
سەیران:کێیه مرۆڤ؟
بێخاڵ: ڕیسوایە مرۆڤ.
ڕێزان:باسیری بخوات و زۆڕنا بژەنێت مرۆڤ.
بێخاڵ:تێکدەرە مرۆڤ.
سەیران:بەکێڵ شارستانییەت نایەت مرۆڤ.
بێخاڵ:دەبێت بڕواتەوە ئەشکەوت مرۆڤ.
ڕێزان:نیاندارتاڵی زۆر جوان لێدێت مرۆڤ.
سەیران:ئەرێ تاکەی مرۆڤ؟
بێخاڵ:زۆری نەماوە مرۆڤ.
سەیران:پووچ دەکەینەوە،
سەیران:چی؟
بێخاڵ:ئەفسانەی مرۆڤ.
ڕێزان:بە دڵنیاییەوە.
سەیران:زمانی زۆر درێژە مرۆڤ.
ڕێزان:جوێن دەدات مرۆڤ.
بێخاڵ:با گووی بخوات مرۆڤ.
سەیران:قێزەونترین بوونەوە مرۆڤ.
ڕێزان:هەر زۆر بچووکە مرۆڤ.
بێخاڵ:ناڕۆشنبیریشە مرۆڤ.
ڕێزان:ناخوێنتەوە مرۆڤ.
سەیران:جابا بشخوێنتەوە مرۆڤ،
بێخاڵ:هەرکەرەکەی جارانە مرۆڤ!
ڕێزان:درۆزنە مرۆڤ.
سەیران:بەڵێن دەشکێنێت مرۆڤ.
بێخاڵ:ناپاکیشە مرۆڤ.
ڕێزان:جێگای متمانە نییە مرۆڤ.
سەیران:ڕاڕایە مرۆڤ.
بێخاڵ:هەرگیز فریو نەخۆن بە مرۆڤ.
ڕێزان:ئاشقی خۆدزینەوە و یاساشکێنییە مرۆڤ
بێخاڵ:خەوۆکیشە مرۆڤ.
سەیران:زوو زانیم تەمبەڵ و گەندەڵە مرۆڤ.
ڕێزان:مازۆخییە مرۆڤ.
بێخاڵ:سادیکە مرۆڤ.
سەیران:نەخۆشی دەروونی هەیە مرۆڤ.
ڕێزان:هێشتا خۆی نەناسیوە مرۆڤ!
بێخاڵ:لەبەر یەکتری خواردن کاتیان نییە مرۆڤ.
سەیران:کات بۆچی؟
ڕێزان:بۆ خۆناسین و
بێخاڵ:ئەویتر ناسین.
سەیران:تەنها دەخوات و دەخواتەوە مرۆڤ.
ڕێزان:ئەی ناڵێن سێکسیش دەکات مرۆڤ؟
بێخاڵ:بەڵێ.
سەیران:هۆکاری هەموو نەهامەتییێکە مرۆڤ.
ڕێزان:دۆزەخە مرۆڤ.
سەیران:زۆر بێتامە مرۆڤ
بێخاڵ:بێزارم زۆر لە مرۆڤ.
سەیران:گەوادێ نییە ڕزگارمان کات لە مــرۆڤ؟
ڕێزان:جڕڕڕڕڕڕڕڕڕڕڕڕڕڕڕڕڕڕڕڕڕڕڕڕڕڕت.
سەیران:بۆ کێ؟
بێخاڵ:مرۆڤ.
ڕێزان:بڕوخێ مرۆڤ.
(هەرسێکیان پێکەوە)یەعععععععع لە مرۆڤ.
---------------------
٭وتەیەکی"حسێن پەناهی"یە.
٭ناوجوت کەوانە بچووکەکە، وتەیەکی(گیڤارا)یە.