شەماڵ بارەوانی
22
میـاو
سەیران:دەی هاوڕێیان،
ڕێزان:چی؟
سەیران: باحاشا لە مرۆڤبوون بکەین!
ڕێزان:گیانە خۆ ئێمە سەر بە دنیای مرۆڤەکان نین.
بێخاڵ:ئێ بازیاتر لە مرۆڤ دوورکەوینەوە.
سەیران:بەڵێ، پێویستە گۆشەگیرتربین.
ڕێزان:منیش لەگەڵ مرۆڤ هەست بە هێڵنج و دڵگوشین دەکەم.
بێخاڵ:بە نەفرەت بێت مرۆڤ.
سەیران:مـردن بۆ مرۆڤ.
ڕێزان:بێ تەربیەت مرۆڤ.
سەیران:بەستە زمان مرۆڤ.
بێخاڵ:فەلسەفە بە گونی لێدەدات مرۆڤ.
سەیران:ناحاڵییە مرۆڤ.
ڕێزان:تیاح لە مرۆڤ.
بێخاڵ:هیچ كاتێك فەلسەفە بە گونت لێ مەده ئەی مرۆڤ.
سەیران:كيسەلیش كێری هەیە، جڕتە مرۆڤ.
ڕێزان: پێویستە هەندێك جار هەستی ئاژەڵان تاقی بكەیتەوە گەوجە مرۆڤ،
سەیران: تا لە گەورەیی پەلەوەر تێبگەیت و پێت بڵێن زڕتە مرۆڤ !
بێخاڵ:پسك بوونی من و بزن بوونی تۆ و سەگ بوونی ئەوەی تر،
سەیران: هیچ كاممان لە دەسەڵاتی خۆماندا نییە و قەدەرێكی قەحپەباب بەوشێوەیە ئێمەی هێناوەتە بوون.
ڕێزان:ئەی مرۆڤ، بهێنە پێش چاوەكانت، تۆ لەشوێنی كەر بوایتا،
بێخاڵ: یان بە حۆشتری لە دایك ببایت،
سەیران:یان هەیكەلت هی زەڕافە و سەرت عەلەشیش با،
ڕێزان:ئەوکاتە هەستت چۆن دەبوو ئەی چرووکە مرۆڤ؟
بێخاڵ:ئایە دەكرێت لەبەرئەوەی لە زومرە و رەگەزی مرۆڤ نین، بەكەم سەیری مانگا و مەڕ بكەین؟!
سەیران:خۆمن زۆر سەگم بینیوە لە مرۆڤ سوودبەخشتر و بە وەفاتر.
ڕێزان:كێ بۆم دەسەلمێنێت ماكەرێك لە مێژووی كەربووندا، خۆی تەقاندبێتەوە.
بێخاڵ:مەیموونێك سەری چۆڵەكەیەكی بڕی بێت.
سەیران:جوانەگایێك تەحەرووشی بە ژیانی تایبەتی قەڵەڕەشیكەوە كردبێت و
ڕێزان:ورچێك، جەنگێكی جیهانی هەڵگیرساندبێت؟
بێخاڵ:ئیتر لەوە گەرێ تۆ عەقلت هەیە و هەست نییە ئەی مرۆڤ.
سەیران:ویژدانێك لەكاتی شەهیدكردنی بەپوولەیەكی بێ تاوان نەگریێت،
ڕێزان:شایەنە فڕێی ناو زبڵدان بدرێت.
بێخاڵ:کەواتا چیتر شعوری هاوڕێ ئاژەڵەکان بریندار مەكەن ئەی مرۆڤ.
سەیران:بە بەغدادی تیرۆرست و سەدامی فاشیست مەلێن كەر.
ڕێزان: هیتلەر بە قالۆنچەیەكیش بەراورد مەكەن!
بێخاڵ:هاوڕێیان، دەی با هەموومان وەك رێزێك لۆ پشیلەکان سێ جار پێكەوە بلێین: میاو.
هەرسێکیان پێکەوە:میاو، میاو، میاو.