سەلام عومەر
خۆم و هەزاران هاوڵاتی
دەچینە بەرامبەر پەرلەمان
یاداشتێكی توند دەنووسم
نایخوێنمەوە،
بەردێك بەدەستەوە دەگرم و...
نایهاوێم
درووشمەكانیش قوتدەدەم
چونكە ئەوان
هێشتا لەسووڕی متبوونان.
* * *
بۆ مانگرتن
یان خەبات و خۆپیشاندان
ئیدی ناچمەوە پەرلەمان
دەچمە سەر سندوقەكانی دەنگدان
پێش ئەوەی پەنجەكەم مۆر بێ
هەر رێك لەوێ
پاشەكەوت و....
موچە دزراوەكان و
لێبڕین و
جیاوازیە چیانایەتیەكان
بەبیر خەڵك دەهێنمەوە.