چوار پۆستەرە شیعر
شیعر : ڕۆستەم عەزیز
1
پشیلەکانی نیشتیمان؛
لەناو بەرمیلی زبڵدا گەورە دەبن.
مشک دەخۆن.
لە توونی حەمامەکانا دەزێن.
بەر خڕکە بەردی منداڵانی گەڕەک دەکەون و دەشەلن.
ناگەنە لێواری ئاگردان، لە نێو زوقم و بەستەڵەکدا،
مردار دەبنەوە.
2
پشیلەکانی هەندەران؛
لە کافتریا گەرمەکان و لە سەماگە سوورەکانا، گەشە دەکەن.
لە بن کورسی و مێزە مەستەکانا، سییەکانیان تژی دەکەن، لەعەتری دەرپێ ڕەنگاو ڕەنگە بۆن خۆشەکان.
سمێڵی زبر لە ڕانە نەرم و نۆڵەکان، دەسوون
کلکیان دەخەنە ناو گەڵی ژنە ورووژاوەکان و
لاقە لووسەکان دەلێسنەوە.
لەسەر سینگی کچە عازەبەکان دەخەون و شەیتانی دەبن.
3
پشیلەکانی نیشتیمان گشت وەخت
وەک پیاوەکانی نیشتیمان،
کڵۆڵ و بەدبەخت.