سەلام عومەر
چەند پەنجەیەكم كەوتوون و
پرچیشم لە هەڵوەرینە
تا چاوەكانی بردووم و
جەستەشم پڕ لە برینە
*****
بۆیە لە كەسێك دەگەڕێم
ئازارم بیر بباتەوە
نەك لە هەموو چركەیەك دا
قەتماغەم لێ هەڵداتەوە
*****
شەویش نییە خەونی ناخۆش
ئارامیم لێ نەشێوێنێ
رۆژیش نییە هەندێ هەواڵ
بەرنامەم هەڵنەوەشێنێ
*****
ئێستا كۆڵبەرێكی برسیم و
نان بۆ سنووری بردمەوە
نەخۆشێكی بێچارەم و
دیسان تا سووری كردمەوە