سەلام عومەر
گەڵاکانی پایز رژاو
سنگومەمکی درەختەکانیش دەرکەوتن
کەچی چەند ماچێکی هەور و
هیچ کولوە بەفرێکی سپی
بەسیمای جوتیارێک نەکەوتن.
٭ ٭ ٭
خاک دەستەکانی قەڵشین و
کوڵمەکانی وشک بوون
کەچی.....
نەناڵەناڵی هەورێک و
نەپێکەنینی نمەیەک
روباری لەخەو هەڵنەستاند.
٭ ٭ ٭
گوێم لە قرچەی کارێزێکە
نزا بۆ ڕژانی هەورو
تریقانەوەی شەپۆل دەکا
نوزەنوزی کانیەکیش
لە دوورڕا دێ
دەڵێ....
بەچۆڕێک روبار و
قومێک گریەی باران نەبێ
ژیرنابمەوە.