خەڵاتەکانی دووەمین فێستیڤاڵی فیلمی کوردی لە ئەمستردام دابەشکران و زەهاوی سنجاوی، دەرهێنەری کورد، لە رێگەی بەڵگەفیلمی 'منداڵیی عیماد' خەڵاتی باشترین دەرهێنەر بەدەستهێنا.
رۆژی یەکشەممە 14ـی ئایاری 2023، خەڵاتەکانی دووەمین فێستیڤاڵی فیلمی کوردی لە ئەمستردام لە هۆڵەندا دابەشکران و خەڵاتی باشترین دەرهێنەری فێستیڤاڵ لە رێگەی بەڵگەفیلمی 'منداڵیی عیماد' بەدەستهێنا.
چالاکییەکانی دووەمین فێستیڤاڵی فیلمی کوردی لە ئەمستردام، بە پێشاندانی بەڵگەفیلمی درێژ 'دەروازەی خەونەکان'، ئێوارەی رۆژی هەینی 12ـی ئایاری 2023 لە ئەمستردامی هۆڵەندا دەستیپێکرد، جگە لە پێشاندانی فیلم، چەند پانێڵێک لەبارەی سینەما و فیلمە کوردییەکان لەخۆگرتبوو و ماوەی سێ رۆژ بەردەوام بوو.
لە فێستیڤاڵەکەدا 11 فیلمی بڵندی سینەمایی بەشداربوون، فیلمە بەشداربووەکانی دیکە، کورتە فیلم و بەڵگەفیلمی کورت و درێژ بوون.