هاوڕێ کرێکار - رێگای كورستان
لەدوای ناردنی مووچەی مانگی شەش، ئەو دوو لیژنەیەی لەلایەن حکومەتی هەرێم و ناوەند پێکهێنرا بۆ ڕێکەوتن لەسەر داهاتی نەوتی ونانەوتی ، تا ئێستا ڕاپۆرتی کۆتایی کارەکانیان بەئەنجومەنی وەزیران نەداوە و بەئەگەرێکی زۆرەوە ئەمرۆش بڕیار لەسەر مووچەی مانگەکانی ۷ و ٨ ی ئەمساڵ نادرێ.
وابڕیارە ئەمڕۆ، ئەنجومەنی وەزیرانی حکومەتی ناوەند، کۆبونەوەی ئاسایی هەفتانەی خۆی ئەنجام بدات، چاوەکان لەسەر ئەوەن، بڕیاری ناردنی مووچەی مانگەکانێ تەمموز و ئاب، بڕیاری لەسەر بدرێت، بەڵام پەرلەمانتارێک بەدوری دەزانێت.
لەلێدوانیکی تایبەتدا، سروە محەمەد، ئەندامی ئەنجومەنی نوێنەانی عێراق، بە رێگای كورستانى وت: پرسی مووچەی هەرێمی کوردستان، لەکارنامەی کۆبونەوەی ئەمرۆی کۆبونەوەی ئەنجومەنی وەزیران دیاری نەکراوە، هەر وەک کۆبونەوەکانی تر، بەڵام کاتێک وەزیرە کوردەکان کاتی قسەکردنیان دێت، لەکۆبونەوەکەدا، باس لە گرفتی مووچە دەکەن و دەیخەنە ڕوو.
وتیشی : ئەو لیژنەیەی بۆ ڕێکەوتن لەسەر مووچە و داهاتی نانەوتی و نەوتی هەرێم پێکهێنراوە، تا ئێستا ڕاپۆرتی کۆتاییان نەداوەتە ئەنجومەنی وەزیران، ئەگەر ڕاپۆرتەکان بدرایەتە ئەنجومەن ،گفتوگۆی لەسەر دەکرا.
هەروەها، وتیشی: بۆیە بەئەگەرێکی زۆرەوە، پێناچێت ئەم هەفتەیەش ، ئەنجومەنی وەزیرانی عێراق، بڕیار لەسەر ناردنی مووچەی ئەو دوو مانگە بدات،ئەمڕۆ.