یەكێتی تۆپی پێی ئەوروپا لە راگەیەندراوێكدا بڵاویكردەوە، یانەی بەرشەلۆنەی ئیسپانیان سزاداوە بەهۆی ئەو روداوانەی لە یاریەكەیان لەچامپیۆنز لیگ رویداوە.
یەكێتیەكە ئاماژەی بەوەداوە، هاندەرانی یانە كەتەلۆنیەكە لە یاریەكەیان بەرامبەر مۆناكۆ بە دروشمێك پشتگیری راهێنەری یانەكەیان كردووە و نوسیویانە بژی هانسی فلێك لە كاتێكدا ئەو دروشمە لەسەر لافیتەیەك نوسیویانە و هێمای نازیەكانی لەسەر بووە كە ئەوەش رێگا پێدراو نییە.
دواتر یانە كەتەلۆنیەكە دوپاتیانكردەوە، پابەندی سزاكان دەبن و لە یاری یانەكەیان بەرامبەر زڤیزدا كە لەدەرەوەی یاریگای خۆیان بەڕێوەدەچێت بە بێ هاندەر گەشت دەكەن و سەرجەم ئەو بلیتانەی كە بە هاندەران فرۆشتویانە بۆ ئەو یاریە پارەكەی دەگەڕێننەوە بۆیان.
جگە لەوەش بە پێی بڕیارەكەی یەكێتی تۆپی پێی ئەوروپا، یانە كەتەلۆنیەكە بە بڕی 10 هەزار یۆرۆ سزادراوە.