لە یارییەكی هەفتەی 26ـی خولی ئیسپانیا بەرشەلۆنە لە یاریگای خۆیدا میوانداری ریاڵ سۆسیدادی كرد.
تایمی یەكەم، یارییەكە بە بەهێزی دەستیپێكرد و لە خولەكی 17 ئیلیستوندوی كاپتنی سۆسیداد بە كارتی سور كرایە دەرەوە، ئەوەش رێگە خۆشكەر بوو تا بلاوگرانا دوو گۆڵ لە خولەكەكانی 25 و 29 لە رێگەی مارتن و كاسادۆ تۆماربكات.
لە تایمی دووەم، بەرشەلۆنە زیاتر كۆنترۆڵی یاریگای كردوو دوو گۆڵی دیكەیان لە خولەكی 56 و 60 لە رێگەی ئاراوخۆ و لیڤاندۆڤسكی تۆماركرد و كۆتاییان بە كەرنەڤاڵی گۆڵەكان هێنا.
سەرەنجام بلاوگرانا بە چوار گۆڵی بێوەڵام یارییەكەی بردەوە و بە كۆكردنەوەی 57 خاڵ بێ ركابەر پێشەنگی گرتووە سۆسیدادیش پلەی نۆیەمە بە 34 خاڵ.