لیڤەرپوڵ وەرزی ڕابردوو لەسەرجەم پاڵەوانیەتیەكاندا شكستیهێنا و نەیتوانی هیچ نازناوێك بەدەستبهێنێت كە لەهەمان كاتدا نەیتوانی بگاتە چامپیۆنزلیگی وەرزی داهاتوو.
كلۆپ لەلێدوانەكانی بۆ پێگەی تۆك سپۆرتی بەریتانی ڕایگەیاند كە چەندین ئەركیان لەبەردەمە و پێویستە ئەنجامی بدەن بەڵام بازاڕی گواستنەوەی هێشتا كراوەیە.
وتیشی: هیچ كێشەیەك لە ئامادەكاریەكانی یانەكەدا نیە و بەباشترین شێوە خۆمان بۆ وەرزی نوێ ئامادە دەكەین و لەئێستادا سێ هەفتە زیاتر ماوە بۆ دەستپێكی یاریەكانی وەرزی نوێی پریمەرلیگ و هەوڵدەدەین كێشەكانی یانەكە چارەسەربكەین.
كلۆپ لەكۆتایشدا دوپاتیكردەوە ئامانجی لیڤەرپوڵ ڕوونە و خاوەنی چەندین یاریزانی بەتوانا و لێهاتووین و داوا لە هاندەرانی یانەكە دەكەم متمانەمان پێبكەن و كارێك دەكەین كە وەرزێك بێت هەرگیز لەبیر نەچێتەوە.