رۆژنامەی كالچیۆ فینزا رایگەیاند بەرپرسانی سعودیە داواكارییەك پێشكەش بە یەكێتی تۆپی پێی ئەوروپا دەكەن بۆ بەشداریكردنی پاڵەوانی خولی ڕۆشن لە خولی یانە پاڵەوانەكانی ئەوروپا، كە لە خولی 2024-2025ەوە دەستپێدەكات، كە بە سیستەمێكی نوێ بۆ پێشبڕكێكە ئەنجام دەدرێت.
خولی یانە پاڵەوانەكانی ئەوروپا بە سیستەمێكی نوێ بەرێوەدەچێت لە وەرزی (2024-2025) وە ، كە تیایدا ژمارەی تیپە بەشداربووەكان دەبێتە 36 تیپ لەبری 32 تیپ، بەو پێیەی چوار تیپی دیكە بەپێی پێوەرەكانی یەكێتی تۆپی پێی ئەوروپا سەردەكەون.
یانەكانی سعودیە لە ئێستاوە بەشداری دوو پێشبڕكێی ناوچەیی دەكەن كە بریتین لە پاڵەوانێتی یانەكانی عەرەبی و خولی پاڵەوانانی ئاسیا. بڕیاردەرانی شانشینی یەكگرتوو ئاواتەخوازن لە چوارچێوەیەكی نوێدا ڕكابەری بكەن، كە بریتییە لە خولی یانە پاڵەوانەكانی ئەوروپا، كە بەهێزترین ڕكابەریی یانەكانە لە سەرانسەری جیهاندا.