كەریم دەشتی
وەك دوو ماندووی
ناو ڕەشەڕاوی تەمتوومان
وەك دوو هاملێتی
نوقمبووی گۆمی گومان
هێندە بەناو تاشە و تاوێرا ڕامانكرد
تا لە قوڕی ههبوون چەقین
بۆ ئەبەد نەگەیشتینە باخی یەقین
ژەهری ڕەش و شەرابی سپیی تێكەڵ بوون
ڕم و جەستەو تیر و سینە گەیین بە یەك
بەڵام ئێمە بەندەی دەستووری تەریبین
ناگەینە یەك
بە یەك بگەین
لەهی ئەوین ئەمانخنكێنێ
بە یەك نەگەین بەردی فیراق
پەنجەرەی دڵمان ئەشكێنێ.