رێگای كورستان
ئەمڕۆ چوارشەممە، 2025/2/26 دکتۆر کاوە مەحموود، سکرتێری کۆمیتەی ناوەندی حزبی شیوعی کوردستان، لەگەڵ ژمارەیەک لە ئەندامانی مەکتەبی سیاسی و سەرکردایەتی و پەیوەندییەکانی ناوەندی لەبارەگای مەکتەبی سیاسی، پێشوازیان کرد لە شاندێکی دەفتەری سیاسی حزبی دیموکراتی کوردستانی ئێران بە سەرۆکایەتی کاک مستەفا هیجری سکرتێری گشتی حزبی دیموکراتی کوردستانی ئێران و ژمارەیەک لە ئەندامانی دەفتەری سیاسی.
لەدیدارەکەدا، تیشکخرایە سەر گۆڕانکارییەکانی جیهان و ناوچەکە و بەتایبەتی بارودۆخی رۆژهەڵاتی ناوەڕاست و ئەو گۆڕانکاریانەی لەناوچەکە هاتوونەتە پێشەوە، هەردوولا لەم بارەیەوە بیروڕاکانیان ئاڵوگۆڕکرد.
لەتەوەرێکی تردا، جەخت لەسەر پەیوەندی دێرینی هەردوو لاکرایەوە.
