رۆژی 15ی شوباتی 2024 شاندێكی مەكتەبی پەیوەندییەكانی ناوەندی حزبی شیوعی كوردستان كە پێكهاتبوون لە هاوڕێیان حاجی ئەكرەم و هاوتا رەسول، لە شاری هەولێر بەشدارییان لە كردنەوەی كۆنگرەی سێیەمی پارتی گەلی توركمان عێراق كرد.
شاندی حزبمان پیرۆزبایی مەكتەبی سیاسی حزبی شیوعی كوردستانیان پێراگەیاندن و هیوای سەركەوتنیان بۆخواستن.
ئەمەی خوارەوە دەقی بروسكەی پیرۆزبایی حزبمانە بۆ پارتی گەلی توركان عێراق.
بەڕێز / پارتی گەلی توركمان عێراق
بابەت/ پیرۆزبایی
بەبۆنەی بەستنی كۆنگرەی (3)یەمی پارتەكەتان، پارتی گەلی توركمان عێراق، بەناوی مەكتەبی سیاسی حزبی شیوعی كوردستان، پیرۆزبایی گەرمتان لێدەكەین، هیوای سەركەوتنتان بۆ دەخوازین.
بەڕێزان/ حزبی شیوعی كوردستان هەمیشە پاڵپشت و داكۆكیكارێكی راستەقینە بووە لە هەموو پێكهاتەكانی كوردستان لە نێویاندا برا توركمانەكانمان لە پێناو گەیشتن بە مانە كلتوری و ئیدارییەكان و بەشدارییەكی راستەقینە. هیوادارین كۆنگرەكەتان لەم بوارەدا هەنگاوی گرنگ بنێ و بڕیار و راسپاردەكان لە ئاست ئەو قۆناغە هەستیارە بێت كە ناوچەكە پێیدا تێدەپەڕێت و یەكریزی و یەك هەڵوێستی سەرجەم لایەنە سیاسییەكان پێویستییەكی ئەم قۆناغەیە.
لە كۆتایدا جەخت لە پەیوەندی دووقۆڵیەكانمان دەكەینەوە.
دووبارە پیرۆزبایتان لێدەكەین و هیوای سەركەوتن بۆ كۆنگرەكەتان دەخوازین.
لەگەڵ رێزماندا
مەكتەبی سیاسی
حزبی شیوعی كوردستان