ئیلهام موڕادی
چاوەکانم وەک زامێکی ساڕێژ نەبوو
بیرت ئەخەمەوە
جاڕێکی دیکە لە ڕێگا وێڕانەکانی دڵم
قەپات ئەکەم چاوەکانم
لە گوناح
بۆت ئەگێڕمەوە
نهێنیەکانی بزەی لێوەکانم
دووبارە لێ ئەدزمەوە
خۆم.
خۆم دوا گوناهی ئەم گەردوونەین
کە ئیتر ساڕێژ نابین لە تاوان
تاوان موناجاتێکی شیرین بوو
لە ژێر ساباتی داگوێزێ نەخەوتن.
دووبارە ماچت ئەکەم پتر تر لە پێشوو
بانگ ئەکەم خۆشم دەوێی
ئەم جار بەجۆرێ ڕا ئەوێستم
کە هاتنەوم دوایین سەفەر
بۆ باوەشت بێ.
سنە
ئیلهام موڕادی