رۆژی شەممە ٢٠٢٦/٤/٤، لە شاری هەولێر و لە هۆڵی ئاڵای ئازادی، مەراسیمێکی تایبەت بۆ ناساندن و بڵاوکردنەوەی کتێبی (فوغانێک بۆ حەیران) بەڕێوەچوو.
​کتێبەکە لە نووسینی نووسەر و پێشمەرگەی دێرین (حازمی مام عەلی کۆتک) و لەلایەن دەزگای میدیایی (ئێستا) وە سەرپەرشتی کۆڕی ناساندنەکەی کرا.
مەراسیمەکە بە ئامادەبوونی ژمارەیەک لە ڕۆشنبیران و خەمخۆرانی ئەدەب و کولتووری کوردی بەڕێوەچوو، کە تێیدا تیشک خرایە سەر ناوەڕۆکی کتێبەکە و گرنگیی پاراستنی هونەری حەیران وەک بەشێکی ڕەسەن لە فۆلکلۆری کوردی.
نووسەر هاوڕێ (حازمی مام عەلی کوتک) لە کۆڕەکەدا، وێڕای خوێندنەوەی چەند بەشێکی کتێبەکە، باسی لە وردەکارییەکانی نووسین و ئامادەکردنی ئەم کارەی کرد.
پاشان لەلایەن دکتۆر مەولود ئیبراهیم حەسەن و هونەرمەند دکتۆر ئامانج غازی، هەڵسەنگاندن بۆ ئەم بەرهەمە کراو دەست خۆشییان لە نووسەر کرد.
لە کۆڕەکەدا کتێبەکە پێشکەش بە ئامادەبووان و خوێنەران کرا.
شایانی باسە حازمی مام عەلی کوتک، نووسەری چەند کتێبێکە و (فوغانێک بۆ حەیران) تازەترین بەرهەمیەتی کە پێشکەش بە خوێنەران و کتێبخانەی کوردی کردووە.
May be an image of text
May be an image of text that says 'M ( @ b 0'
May be an image of one or more people and text
May be an image of one or more people and text
May be an image of one or more people
Share