رێگای كوردستان / هەولێر
رۆژی دووشەممە 2023/11/20 لە بارەگای مەكتەبی سیاسی حزبی شیوعی كوردستان لە شاری هەولێر، هاوڕێیان هەندرێن ئەحمەد ئەندامی مەكتەبی سیاسی و بەرپرسی پەیوەندییەكانی ناوەندی و هاژە شێخ سلێمان ئەندامی مەكتەبی سیاسی و هاوتا رەسول و حاجی ئەكرەم ئەندامانی مەكتەبی پەیوەندییەكانی ناوەندی حزبی شیوعی كوردستان، پێشوازییان لە شاندێكی یەكێتی نەتەوەیی دیموكراتی كوردستان كرد كە پێكهاتبوو لە د.شاخەوان خالید كارگێڕی مەكتەبی سیاسی و بەرپرسی پەیوەندییەكان و فاخر نانەكەلی ئەندامی سەركردایەتی و جەلال سمایل كارگێڕی مەكتەبی پەیوەندییەكان.
لە دیدارەكەدا، شاندی میوان كورتە باسێكیان لەسەر كۆنگرەی شەشەمی حزبەكەیان كرد كە لە 11/11 /2023 لە هەولێر بەستبوویان.
شاندی حزبی شیوعی كوردستان پیرۆزبایی گەرمی بەستن و سەركەوتنی گرنگرەكەیان لێكردن و هیوای بەروپێشچوونیان بۆ خواستن.
هەروەها، لە تەوەرێكی تردا هەردوولا باسیان لە رەوشی سیاسی جیهان و ناوچەكە بەگشتی و مەترسییەكانی ئەو بارودۆخەیان كرد كە لەسەر هەرێمەكەمان هەیە و یەكریزی رێكخستنەوەی نێوماڵی كوردستانی جەختی لێكرایەوە.
لە كۆتایدا هەردوولا جەختیان لە پەیوەندی نێوانیان كردەوە.
