بۆ هاوڕێیان جەلال و محەمەد رەحمان قازیخانەیی و تەواوی بنەماڵە سەربەرزەکەیان.
کۆچی دوایی و ژیانئاوایی هاوڕێ( جەمال رەحمان) ی براتان هەموومانی خەمبار و پرسەبار کرد لە خەم و پرسەتان هاوبەشین و بە ناوی خۆمان و هەموو ئەندام و لایەنگرانی حزب پرسەو سەرەخۆشیتان لێدەکەین و هیوای دڵنەوایتان بۆ دەخوازین.
کۆچی دوایی هاوڕێ جەمال، خەم و ناسۆری هەر پێنج برای شەهیدی، شەهیدان بلەی قەرەچووغ و جەبار و ڕاوێژ و ابوبكر و كەیفی) و شەهید توانای ئامۆزای لا نوێ کردینەوە، کە هەموویان لە پێناو نیشتمانێکی ئازاد و گەلێکی بەختیار، گیانیان بەختکرد.
تەمەن درێژی بۆ ئێوەی ئازیز و تێکۆشەر دەخوازین و دوا خەم و ناخۆشیتان بێت.
مەڵبەندی هەولێری حزبی شیوعی کوردستان.
20-4-2024
بۆ ئاگاداری گشت لایەک ئەمڕۆ پرسە لە مزگەوتی شەهید سەرداری سەعید سۆفی لە سەر رێگای هەولێر - كەركووك دەبێت.