بڕیار عەبدولڕەحمان - سۆران
ڕۆژی شەممە ٢٠٢٣/١١/٢٥ کۆمیتەی ڕێکخستنی سۆران ئێوارە کۆڕێکی بۆ هاوڕێ "ئیبراهیم بابان" سکرتێری مەڵبەندی سۆرانی حزبمان سازکرد.
لە کۆڕەکەدا کە بەشێک لە ئەندامانی (ڕێکخراوی بنچینەیی کرێکاران و سۆران) ئامادەی بوون، باس لە بارودۆخی سیاسی کوردستان و قەیران و ئاستەنگەکانی بەردەم هاوڵاتیان کرا. سکرتێری مەڵبەند هەڵوێستی حزبمانی لە بارەیانەوە خستەڕوو.
لەکۆتایشدا ئامادەبووان لەسەر پرسی هەڵبژاردنی ئەنجومەنی پارێزگاکان و کۆمەڵێک بابەتی تر، پرسیاریان لە ناوبراو کرد و بەتێروتەسەلی وەڵامی سەرنج و پرسیارەکانی دایەوە.
