ماکسیم ڕوبین، کۆنسوڵی گشتیی ڕووسیا لە هەولێر، لە پەیوەندییەکی تەلەفۆنیدا لەگەڵ هاوڕێ ئەبو کاروان، سکرتێری کۆمیتەی ناوەندی حزبی شیوعی کوردستان، پیرۆزبایی ٩٢ ساڵەی دامەزراندنی حزبی شیوعی كوردستان و عێراقی لە تەواوی ئەندامان، دۆستان و هاوڕێیان کرد.
لەو پەیوەندییە تەلەفۆنییەدا، کۆنسوڵی ڕووسیا جەختی لە گرنگیی بەهێزکردنی پەیوەندییەکانی نێوان هەردوولا کردەوە. هاوکات ئاماژەی بە ڕۆڵ و کاریگەریی مێژوویی حزبی شیوعی لە کوردستان و عێراق و ئاستی ناوچەکە کرد و وەک هێزێکی سیاسیی خاوەن پێگە ستایشی کردن.
لای خۆشییەوە، هاوڕێ ئەبو کاروان سوپاسی ئەم دەسپێشخەرییەی کۆنسووڵی ڕووسیای کرد و جەختی لە پەرەپێدانی زیاتری پەیوەندییەکان و هەماهەنگیی نێوان هەردوولا کردەوە.
