واشنتۆن پەیامێکی نوێی ئاراستەی لایەنەکانی ناو چوارچێوەی هەماهەنگی کردووە سەبارەت بە پرسی دیاریکردنی کاندیدی سەرۆک وەزیرانی داهاتووی عێراق.
ئەم جوڵە دیپلۆماسییە لە کاتێکدایە کە ململانێیەکی توند لە ناوخۆی چوارچێوەکەدا هەیە و تا ئێستا هیچ کام لە کاندیدەکان نەیانتوانیوە کۆدەنگی پێویست بەدەستبهێنن.
بەپێی زانیارییەکان، لە ناو ١٢ دەنگی ئەندامانی بڕیارەدەری ناو چوارچێوەی هەماهەنگی، محەمەد شیاع سودانی خاوەنی ٦ دەنگە و باسم بەدری ٤ دەنگی هەیە. ئەمە لە کاتێکدایە کە بۆ یەکلاکردنەوەی پۆستی سەرۆک وەزیران، هەر کاندیدێک پێویستی بە بەدەستهێنانی لانیکەم ٨ دەنگ هەیە.
ئەم دابەشبوونە نیشانەی قووڵی ناکۆکییە ناوخۆییەکانە، لە کاتێکدا واشنتۆن چاوەڕوانی کاندیدێک دەکات کە بتوانێت هاوسەنگییەکان بپارێزێت.
